Bæjarráð bókar um samgöngumál

Vilja halda áfram viðræðum við ríkið

- breyta þarf viðhorfi til þjónustu Vestmannaeyjaferju á þann máta að hún taki mið af þörfum samfélgsins í Eyjum á hverjum tíma en ekki fyrirfram gefnum forsendum undirrituðum af ríkinu og hlutafélagi sem tekur að sér reksturinn

20.Mars'18 | 14:18
herj_bru_bilar

Bæjaryfirvöld vilja áframhaldandi viðræður um rekstur Herjólfs. Ljósmynd/TMS

Umræða um samgöngumál var í bæjarráði Vestmannaeyja í dag. Bæjarráð ræddi m.a fund með Sigurði Inga Jóhannsssyni samgönguráðherra sem fram fór í seinustu viku.

Niðurstaða bæjarráðs var svohljóðandi:

a. Bæjarráð ræddi fund með Sigurði Inga Jóhannsssyni samgönguráðherra sem fram fór í seinustu viku. Fundin sátu bæjarfulltrúar ásamt stýrihóp um yfirtöku Vestmannaeyjabæjar á rekstri Herjólfs. 

Á fundinum var rætt um mögulegt rekstrarfyrirkomulag nýrrar Vestmannaeyjaferju. Eins og komið hefur fram hefur Vestmannaeyjabær lýst sig tilbúinn til að taka við rekstri ferjunnar og þegar liggur fyrir undiritaðuð viljayfirlýsing milli Vestmannaeyjabæjar og ráðherra samgöngumála. 

Bæjarráð ítrekar þá skoðun sína að breyta þurfi viðhorfi til þjónustu Vestmannaeyjaferju á þann máta að hún taki mið af þörfum samfélgsins í Vestmannaeyjum á hverjum tíma en ekki fyrirfram gefnum forsendum undirrituðum af ríkinu og hlutafélagi sem tekur að sér reksturinn. Er í því samhengi vísað til nýlegrar úttektar Rannsóknastofnunar Háskólans á Akureyri en þar kom m.a. í ljós að þjónustan eins og ríkið hefur mótað hana hingað til er vægast sagt fjarri því sem heimamenn telja þörf á. 

Á fundinum lýsti bæjarstjórn því að hún vildi halda áfram viðræðum við ríkið sem byggja á undirritaðri viljayfirlýsingu sem m.a. gerir ráð fyrir að:

  • skipið verði nýtt til siglinga milli Vestmannaeyja og Landeyjahafnar lengur hvern sólarhring en nú er og gangi allt að 8 ferðir á dag í reglulegri áætlun þegar aðstæður krefjast.
  • núverandi Herjólfur verði til reiðu sem varaskip fyrir ferjusiglingar í landinu eftir að ný ferja hefur siglingar. 
     
  • sama gjaldskrá gildi á báðum siglingaleiðum.
  • núverandi fjárveiting til reksturs Herjólfs verði lögð til grundvallar nýs samnings. Þannig verði möguleg hagræðing vegna rekstrar nýrrar Vestmannaeyjaferju, nýtt til að bæta samgöngur á milli lands og Eyja.
  • fram fari þarfagreining á þjónustuþörf skipsins. Þarfagreiningin taki mið af þörfum samfélagins en ekki eingöngu hámarksnýtingu.
  • rekstur ferjusiglinga milli lands og Eyja sé almannaþjónusta og ekki hagnaðardrifin. 


Á fundinum var einnig opnað á þann möguleika að samhljóða því að Vestmannaeyjabær taki reksturinn að sér verði einnig skoðað að stofnað verði opinbert hlutafélag ríkis og sveitarfélags sem annist reksturinn. 

Það er mat bæjarráðs að fundurinn hafi verið uppbyggjandi enda hafi ráðherra tekið hugmyndum heimamanna vel og verið sammála bæjarstjórn um markmiðin. Þá hafi ráðherra lýst yfir vilja til að halda viðræðum við sveitarfélagið áfram og muni því boða til nýs fundar á næstu dögum.

b. Gjaldskrá Herjólfs 
Bæjarráð lýsir yfir ánægju með þá ákvörðun að valið hafi verið að lækka gjaldskrá í Þorlákshöfn nú þegar, í stað þess að gera það þegar hin nýja Vestmannaeyjaferja hefur þjónustu síðsumars eins og áður hafði verið ákveðið, segir í bókun bæjarráðs.

 

Sjá einnig: Ræddi við bæjarstjórn um rekstur nýrrar Vestmannaeyjaferju

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.