Framkvæmda- og hafnarráð:

Þekkingarsetrið sér um viðhald og rekstur bátaskýlis Vestmannaeyjabæjar

20.Mars'18 | 06:22
skansinn_1017

Bátaskýlið er á Skanssvæðinu. Ljósmynd/TMS

Á fundi framkvæmda- og hafnarráðs í liðinni viku óskaði Stefán Óskar Jónasson eftir upplýsingum um framtíðaráform Vestmannaeyjahafnar varðandi bátaskýlið að Skansvegi 5 en það hefur undanfarið verið notað sem bátaskýli fyrir bát Þekkingarseturs Vestmannaeyja.

Fram kom í máli framkvæmdastjóra að samkomulag hefur verið við Þekkingarsetrið um viðhald og rekstur bátaskýlisins. Einnig kom fram í máli framkvæmdastjóra að hugmyndin með kaupum Vestmannaeyjahafnar á sínum tíma var að bátaskýlið muni þegar fram í sækir tengjast safnasvæðinu á Skansinum.

Ráðið ítrekar að framtíðaráform varðandi bátaskýlið eru að sú starfsemi sem þar verði, tengist safnasvæðinu á Skansinum. M.b. Blátindur er væntanlegur á svæðið á þessu ári og vonast ráðið til að þegar því verki lýkur verði haldið áfram uppbyggingu á svæðinu.
 
 
 
 

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is  

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-