Stefán Jónasson um lækkun fargjalda:

Takk, ráðherra

15.Mars'18 | 10:18
stebbi_j_her

Stefán Óskar Jónasson þakkar ráðherra fyrir að lækka fargjöldin. Mynd/samsett

Mikið hefur verið rætt og ritað um ósanngjarnar gjaldtökur er ferjan okkar siglir til Þorlákshafnar. Á dögunum tilkynnti Sigurður Ingi Jóhannsson, samgönguráðherra um að hann hafi fært gjaldskrá Herjólfs í Þorlákshöfn niður í sömu gjaldskrá og gildir til Landeyjahafnar.

Eyjar.net ræddi við Stefán Óskar Jónasson, bæjarfulltrúa og oddvita Eyjalistans um hans sýn á málið.

„Það er búið að hamra á þessu í fleiri fleiri bókunum hjá bæjaryfirvöldum síðustu árin. Enn ekkert gerðist.” segir Stefán og heldur áfram:

„Oft var talað um hvað það væri gott að hafa samflokksmenn í meirihluta bæjarstjórnar og í ríkisstjórn. Að ekki sé talað um að hafa ráðherra í málaflokknum. Ekki get ég séð að það hafi hjálpað í þessu máli.

Fyrst Hanna Birna, svo Ólöf heitin Nordal og nú síðast Jón Gunnarsson. Allir höfðu skilning, en enginn gerði neitt í þessum efnum. Nú, þegar framsóknarmaður stígur inní ráðuneytið líða ekki nema 100 dagar og hann er búinn að hrinda þessu í framkvæmd. Ég segi bara takk, ráðherra.

Það ber að þakka fyrir slíkt, sama hvaðan það kemur. Þó að það henti ekki pólitískt, þá er þetta bara veruleikinn.” segir Stefán Óskar.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.