Landeyjahöfn:

Ætlunin að tryggja um 4,5 metra dýpi yfir háveturinn

- þannig að ferjan geti þá siglt í Landeyjahöfn

21.Febrúar'18 | 11:36
gallei_gardar

Hér má sjá dýpkunarskipið Galilei 2000 á milli garða í Landeyjahöfn. Þarna er gert ráð fyrir að kranar með dælu haldi dýpi nægjanlegu. Ljósmynd/TMS

Á dögunum var auglýst af Ríkiskaupum útboð í svokallaða stálstaura í Landeyjahöfn. Eyjar.net ræddi við Sigurð Áss Grétarsson um hvað stendur til og hvaða vonir hann bindur við framkvæmdina.

Ætlunin með því að reka niður stáltunnur fyrir framan núverandi garðhausa er að skapa vinnuaðstöðu fyrir krana til að standa úti á tunnunum.  Með því er unnt að fara með krana út á brún með dælu sem hangir í krananum til að geta dælt sandi upp úr hafnamynninu.  Eins og reynslan hefur kennt okkur þá er ekki unnt að dýpka yfir háveturinn með dýpkunarskipum. Auk þess  þá hefur reynslan sýnt að ekki er unnt að tryggja nægjanlegt dýpi fyrir Herjólf en það er mögulegt fyrir grunnristari ferju. segir Sigurður Áss.

Hann segir að bæði rannsóknir DHI og reynslan hafi sýnt að dýpi fyrir framan höfnina sé yfirleitt um 5 m yfir háveturinn (desember-mars) þegar ekki er verið að dýpka. Hins vegar er dýpið miklu minna milli garða eða undir 3 m. Þar er ætlunin að dýpka en ekki fyrir utan höfnina eða á rifinu.  

Til að skapa aðstöðu fyrir krana og dýpkunarbúnað frá landi er ætlunin að smíða tunnur ekki ólíkar þeim sem eru í Þorlákshöfn. Kraninn getur farið út á tunnurnar og dýpkað stórt svæði út frá sér. Með þessum aðgerðum er ætlunin að tryggja um 4,5m  dýpi yfir háveturinn þannig að ferjan geti þá siglt í Landeyjahöfn.  Hún mun þó enn þurfa að sæta öldulagi, dýpi og sjávarföllum. Svo er líka spurning hvort fjárveiting fáist í að klára þetta í ár og næsta ári.

Meginmálið er að stefnt er að tryggja dýpi 6m frá mars/apríl fram í nóvember og 4,5m dýpi frá desember til mars.  Reynslan sýnir að þetta ætti að vera hægt. segir Sigurður Áss Grétarsson, framkvæmdarstjóri siglingasviðs Vegagerðarinnar.

Hér má sjá teikningu fyrirhuguðum framkvæmdum í Landeyjahöfn. (Smelltu til að stækka)

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.