Ólafur Elísson formaður kjörnefndar Sjálfstæðisflokksins í viðtali

Tímaramminn er nokkuð þröngur

Sjálfstæðisflokkurinn raðar upp á framboðslista í lok mánaðarins

5.Febrúar'18 | 10:43
falkinn_baerinn

Þeir sem eiga sæti í fulltrúaráði fá að kjósa á milli framjóðenda hjá Sjálfstæðisflokknum í Eyjum. Mynd/samsett

Þann 24. febrúar kemur í ljós hverjir munu skipa efstu sætin á lista Sjálfstæðisflokksins í Vestmannaeyjum. Þá velja þeir sem sæti eiga í fulltrúaráði flokksins á milli þeirra sem gefið hafa kost á sér í fimm efstu sætin.

Kjörnefndina skipa samkvæmt samþykkt fulltrúaráðsfundar: Ólafur Elísson, formaður, Arnar Sigurmundsson, Bragi Magnússon, Elsa Valgeirsdóttir, Halla Svavarsdóttir, Ingólfur Jóhannesson og Silja Rós Guðjónsdóttir.

Eyjar.net ræddi við Ólaf Elísson, formann kjörnefndar um hvernig skuli staðið að kynningu á frambjóðendum og hvort að það sé eitthvert lágmark varðandi þátttöku.

,,Kjörnefnd hefur ekki tekið ákvörðun um sérstaka kynningu frambjóðenda.  Þá er það ekki á valdsviði kjörnefndar at setja einhverja lágmarksþátttöku frambjóðenda, en kosið verður i fyrstu 5 sæti listans.”

 

Sjálfstæðisflokkurinn á Akureyri einnig með röðun

Athygli vekur að framboðsfrestur rennur út hér í Eyjum þann 20. febrúar og fer röðunin fram aðeins 4 dögum síðar. Til samanburðar var farin sama leið á Akureyri. Þar var samþykkt að fara slíka leið þann 22. nóvember og auglýst eftir framboðum þann 6. desember og rann framboðsfrestur út þann 9. janúar. Röðunin fór svo fram nú um helgina á Akureyri, en kynningarfundur þar var haldinn þann 30. janúar.

Er Ólafi var bent á þetta sagði hann: 

,,Já, það er rétt að tímaramminn er nokkuð þröngur hjá okkur hvað varðar að koma á sérstakum kynningarfundi fyrir frambjóðendur. Fulltrúaráð Sjálfstæðisfélaganna markar þennan tímaramma, en það er ekkert útilokað í þessum efnum..  Akureyringarnir eru ca mánuði á undan okkur í vinnuferlinu, þannig að við erum ekki komin á sama stað í vinnuferlinu.”

Eyjar.net hefur sent fyrirspurnir á þá kjörnu fulltrúa Sjálfstæðisflokksins sem ekki hafa gefið út hvort þeir hyggist gefa kost á sér í röðun flokksins um hvað þeir hyggist gera.

 

Samræmdar reglur um röðun.

Eyðublað til framboðs í röðun.

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.