Sigurður Áss Grétarsson:

Skiptir öllu að ferjan reynist vel og standist væntingar

2.Febrúar'18 | 11:15
31.01.18. Vilborg-7

Unnið er hörðum höndum að smíði nýrrar Vestmannaeyjaferju í pólsku skipasmíðastöðinni Crist S.A. Myndir/H.R.Tórz

Nú er ekki nema rúmt hálft ár þar til ný ferja á að hefja áætlun milli lands og Eyja. Ritstjóri Eyjar.net ræddi við Sigurð Áss Grétarsson, framkvæmdastjóra siglingasviðs Vegagerðarinnar um smíðina, nafn á skipið og hvenær dýpkun hefjist í Landeyjahöfn.

Hver er staðan á smíðinni? 

Smíðin gengur ágætlega. Vélbúnaðurinn, skrúfur, stöðugleikauggar ofl. er komið til skipasmíðastöðvarinnar. Flestar blokkirnar eru tilbúnar og er unnið að samsetningu og lagnavinna er hafin. Þá er byrjað að mála.

Hvenær er áætlað að skipið verði tilbúið til afhendingar?

Gerum ráð fyrir að skipið verði afhent í lok ágúst eða í byrjun september. Þá er siglingin heim eftir þannig að ferjan verður komin í rekstur í september.

Hvert er þitt álit á hvað ferjan eigi að heita?

Nafnið Vilborg hljómar vel . Það hefur góða skírskotun í þjóðsögur Jóns Árnasonar þar sem Vilborg var hvers manns hugljúf er Herjólfur var önugur miðaldra karl eins og ég. Vilborg er ekki með neina séríslenska stafi þannig að það er þægilegra fyrir  erlendu ferðamennina að lesa nafnið og kannski að muna. Er ekki ágætt að nota kvennmannsnafn og að breyta til? Hins vegar skiptir öllu að ferjan reynist Vestmanneyingum vel og standist væntingar.

Hvenær má búast við að byrjað verði að dýpka aftur í Landeyjahöfn?

Það ræðst af veðri. Samningurinn við JDN gerir ráð fyrir að þeir séu á staðnum frá miðjum febrúar. þeir eru að vinna á Reyðarfirði núna en gert er ráð fyrir að sú vinna klárist fljótlega eftir helgi og þá koma þeir til Eyja.

 

Hér að neðan má sjá myndir af smíði ferjunnar sem Helgi Tórzhamar tók í fyrradag.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).