Sig­ríður Lára með liðagigt

25.Janúar'18 | 08:07
sisi_lara_eyjar_net

Sigríður Lára var valin íþróttamaður Vestmannaeyja árið 2016. Ljósmynd/SGG

Sig­ríður Lára Garðars­dótt­ir, landsliðskona í knatt­spyrnu, hef­ur greinst með liðagigt. Þessi 23 ára gamla Eyja­kona er byrjuð í lyfjameðferð sem ætl­un­in er að taki 3 vik­ur, og er vongóð um að eft­ir það muni þessi sjúk­dóm­ur ekki hafa áhrif á knatt­spyrnu­fer­il­inn.

Sig­ríður Lára, sem lék 11 A-lands­leiki á síðasta ári og þar á meðal tvo leiki á EM í Hollandi, gat vegna veik­ind­anna ekki farið með ís­lenska landsliðinu til Spán­ar þar sem liðið mætti Nor­egi í vináttu­lands­leik í vik­unni. Mbl.is greindi fyrst frá.

Hún seg­ist fyrst hafa farið að finna fyr­ir ein­kenn­um liðagigt­ar­inn­ar í sept­em­ber á síðasta ári, og þau hafi svo auk­ist síðustu mánuði:

„Þetta lýs­ir sér þannig að það er stíf­leiki og mikl­ar bólg­ur í liðum lík­am­ans. Þetta var eig­in­lega komið í liði um all­an lík­ama hjá mér; í mjöðminni, hnjám, hönd­um og svona. Ég var orðin svo slæm fyr­ir þessa ferð til Spán­ar að ég gat ekk­ert farið með,“ sagði Sig­ríður Lára, eða Sísí eins og hún er jafn­an kölluð, við Morg­un­blaðið í gær.

„Ég er með mjög góðan lækni og er kom­in í lyfjameðferð. Fyrsta lyfja­gjöf­in var í gær [í fyrra­dag] og ég er bara ótrú­lega góð eft­ir hana. Von­andi get ég bara farið aft­ur út á völl­inn sem fyrst. Ég mun fara í lyfja­gjöf viku­lega núna næstu þrjár vik­urn­ar, en svo skilst mér að ég þurfi að mæta í lyfja­gjöf á átta vikna fresti eig­in­lega til æviloka, til að halda þessu niðri,“ sagði Sig­ríður Lára.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%