Sjúkraflug í suðaustanstormi

TF-LIF sótti sjúkling til Vestmannaeyja en þar geisaði suðaustanstormur svo ekki var unnt að senda flugvél

11.Janúar'18 | 19:14
thyrla_gaesla_yfir_hofn

Þyrla Gæslunnar fór í sjúkraflug til Eyja í hvassviðrinu í dag. Mynd/TMS

Stjórnstöð Landhelgisgæslunnar barst um hálftólfleytið í dag beiðni frá Neyðarlínu um aðstoð þyrlu vegna sjúklings sem þurfti að komast á sjúkrahús í Reykjavík. Sökum hvassviðris gat sjúkraflugvél ekki flogið þangað.

TF-LIF fór í loftið frá Reykjavíkurflugvelli klukkan 12:20 og var haldið þangað í lágum hæðum um Þrengsli og svo með suðurströnd landsins. Þyrlan kom til Vestmannaeyja um eittleytið var þá veðrið þar orðið mjög vont og aðflugið krefjandi. Af þeim sökum lenti þyrlan við vesturenda flugbrautarinnar þangað sem sjúkrabíll kom með sjúklinginn. TF-LIF fór aftur í loftið klukkan 13:18 og lenti svo á Reykjavíkurvíkurflugvelli hálftíma síðar. Sjúklingurinn var svo fluttur á Landspítalann með sjúkrabíl.

Eins og áður segir gengur suðaustanstormur nú yfir landið. Til marks um veðurofsann meðan á útkalli þyrlunnar stóð má nefna að flughraði þyrlunnar í mótvindinum á leiðinni til Eyja var 88 hnútar (162 km/klst) en í meðvindinum á bakaleiðinni fór hann upp í allt að 190 hnúta (352 km/klst). Heimferðin tók því talsvert skemmri tíma en flugið til Eyja. Bálhvasst var í Eyjum þegar TF-LIF var þar. Vindmælir þyrlunnar mældi hviður sem slógu í 35 metra á sekúndu, sem er fárviðrisstyrkur, segir í tilkynningu frá Landhelgisgæslunni.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).