Elís gefur kost á sér í prófkjöri Sjálfstæðisflokksins

10.Janúar'18 | 11:08
elis_17

Elís Jónsson fer fram í prófkjöri Sjálfstæðisflokksins í Eyjum.

Elís Jónsson segir í tilkynningu að hann muni ekki skorast undan þeim áskorunum og hvatningum sem honum hafa borist og að hann muni að sjálfsögðu gefa kost á sér í fyrsta prófkjöri Sjálfstæðisflokksins í Vestmannaeyjum síðan 1990.

Tilkynningin í heild sinni:

Í bréfi til meðlima í fulltrúaráði Sjálfstæðisflokksins þann 4. janúar sl. gerði ég grein fyrir minni skoðun og skilning mínum á fundi fulltrúaráðsins 27. desember síðastliðinn. Í framhaldi kom tilkynning frá stjórn fulltrúaráðsins til meðlima sem staðfesti skilning minn enda brugðust fundarmenn við með lófaklappi og enginn hreyfði andmælum þegar fundarstjóri tilkynnti skilning sinn að þar með lægi fyrir ákvörðun um prófkjör.

Ég vona að fyrirhugaður fundur fulltrúaráðs Sjálfstæðisflokksins í Vestmannaeyjum kl. 20 í kvöld taki af allan vafa enda náðist einróma samstaða í stjórn fulltrúaráðsins um prófkjör eftir að uppstilling var felld af fulltrúaráði á fyrrgreindum fundi. Ég tel að með þessari ákvörðun sé komið til móts við vilja kjósenda í Vestmannaeyjum um að þeir fái að velja þá fulltrúa sem þeir treysta best á lista fyrir komandi sveitarstjórnarkosningar 26. maí næstkomandi. Ég vona að sú biðstaða sem myndaðist eftir að nýr fundur var boðaður leysist endanlega og nú opnist leið fyrir áhugasama einstaklinga til að gefa kost á sér í prófkjör.

Að því sögðu vil ég koma á framfæri því sama og ég sendi í bréfi mínu til meðlima í fulltrúaráði Sjálfstæðisflokksins í Vestmannaeyjum að ég mun ekki skorast undan þeim áskorunum og hvatningum sem mér hafa borist og mun að sjálfsögðu gefa kost á mér í fyrsta prófkjör Sjálfstæðisflokksins í Vestmannaeyjum síðan 1990.

 

Með vinsemd og virðingu, Elís Jónsson.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.