Fótboltaparið til Eyja?

6.Janúar'18 | 09:17

Elísa hér í leik með landsliði Íslands.

Karla- og kvennalið ÍBV í knattspyrnu gætu verið að fá góðan liðsstyrk. Parið Elísa Ósk Viðarsdóttir og Rasmus Christiansen er með tilboð í höndunum frá félaginu en bæði hafa þau verið á mála hjá Val síðustu ár.

Elísa segir val þeirra Rasmusar standa á milli þess að vera áfram að Hlíðarenda eða flytja til Eyja, en þessi 26 ára gamla landsliðskona er uppalin í Eyjum og lék með liðinu út árið 2013 þegar hún hélt í atvinnumennsku til Svíþjóðar. Rasmus lék með ÍBV árin 2010-2012, fyrstu þrjár leiktíðir sínar hér á landi, en fór svo til KR og hefur verið hjá Íslandsmeisturum Vals síðustu tvö ár.

„Við þekkjum bæði klúbbinn og fólkið í Eyjum vel, svo þetta er spennandi kostur,“ segir Elísa í Morgunblaðinu í dag.

Mbl.is greindi frá.