ÍBV tekur á móti Fylki á Þjóðhátíðinni

15. umferðin í deildinni hefst laugardaginn 4. ágúst með leik ÍBV og Fylkis en aðrir leikir í umferðinni fara fram þriðjudaginn 7. ágúst og miðvikudaginn 8. ágúst, segir í frétt á vefsíðunni fotbolti.net.

Búast má við miklum fjölda áhorfenda á leikinn í Eyjum þann 4. ágúst enda er Þjóðhátíð í gangi á sama tíma. Árið 2013 mættu rúmlega 3000 áhorfendur á Hásteinsvöll á leik FH og ÍBV sem fór fram á laugardegi á Þjóðhátíð.