Herdís Gunnarsdóttir forstjóri HSU:

„Ekki aukning heldur verðbætur”

- falin 60 millj. kr. viðbót til HSU en við höfum efnislega fært rök fyrir því að okkur vanti 270 millj. kr. til að endar nái saman fyrir árið 2018

22.Desember'17 | 14:06
herdis_gunn_hsu_eyjar

En ríkir óvissa um hvað mun koma í hlut HSU, segir Herdís Gunnarsdóttir forstjóri HSU. Mynd/samsett

Þessi frétt sem stjórnarráðið birti er mjög villandi. Fólk tekur þessu sem aukningu við núverandi frumvarp, sem er alls ekki rétt.” segir Herdís Gunnarsdóttir forstjóri Heilbrigðisstofnunnar Suðurlands er ritstjóri Eyjar.net leitaði viðbragða við þeim breytingum sem kynntar voru á fjárlagafrumvarpinu.

Herdís segir að í stuttu máli sé það svo að þetta er ekki aukning heldur verðbætur frá frumvarpi eins árs til næsta. Framsetningin er frekar villandi, enda ekkert nýtt þarna bara þessir eðlilegu framreikningar út frá verðlagsforsendum launa og rekstrarforsendum. Þetta er ekki viðbót, bara það sama og kom út úr frumvarpinu nú.  Í þessari tölu er reyndar falin 60 millj. kr. viðbót til HSU en við höfum efnislega fært rök fyrir því að okkur vanti 270 millj. kr. til að endar nái saman fyrir árið 2018.  Upp á það vantar semsagt um 200 millj. kr. fyrir HSU til að mæta viðbótarverkefnum í mönnun í grunnþjónustu heilsugæslunnar og til að bæta upp fyrir fjárveitingar vegna fjölgunar íbúa á Suðurlandi. 

Hún segir að forstjórar heilbrigðisstofnanna á landsbyggðinni hafi átt fund með fjárlaganefnd nú í vikunni og gerðu þar grein fyrir því með efnislegum rökum að það vantaði alls um 1,2 milljarða kr. til reksturs og mönnunar fyrir heilsugæslu og sjúkrahús á landsbyggðinni. Það sem er hins vegar nýtt að frétta af viðbótum við frumvarpið er tillaga sem komin er frá meirihluta fjárlaganefndar og hefur verið lögð fyrir 2. umræðu í þinginu. 

„Þar sýnist mér að lagt sé til 200 millj. kr. viðbót fyrir öll umdæmin í heilsugæslu, 200 millj. kr. til sjúkrahúsa á landsbyggðinni  og áður var búið að setja inn 100 millj. kr. vegna sjúkraflutninga og 200 millj. kr. viðbót vegna tækjakaup.  Viðbótin sem komin er inn í fjárlög og með breytingatillögunum nú nemur því að mér sýnist 700 millj. kr. fyrir öll heilbrigðisumdæmin, þ.e.a.s. HSS, HVE, HVEest, HSN, HSA og HSU.  Ráðuneytinu verður síðan falið að ráðstafa þessari viðbót í samræmi við fjármálaáætlun. En ríkir því óvissa um hvað mun koma í hlut HSU. Við munum leggja ríka áherslu á að þessum viðbótum verði ráðstafað í samráði við okkur.” segir Herdís Gunnarsdóttir forstjóri HSU.

Hér má sjá nefndarálit meirihluta fjárlaganefndar

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.