Skallaði mann á Þjóðhátíð

19.Desember'17 | 22:30
Flugeldarnir-003

Frá Þjóðhátíð. Ljósmynd/Gunnar Ingi

Héraðsdóm­ur Suður­lands dæmdi í gær karl­mann í 30 daga skil­orðsbundið fang­elsi. Maður­inn er dæmd­ur fyr­ir að hafa skallað mann og slegið í höfuðið á Þjó­hátíð í Vest­manna­eyj­um fyr­ir tveim­ur árum.

Ákærða er einnig gert að greiða fórn­ar­lamb­inu 153 þúsund krón­ur í skaða- og miska­bæt­ur, máls­kostnað brotaþola, upp á 443 þúsund krón­ur, og all­an sak­ar­kostnað, alls 664.370 krón­ur.

Sam­kvæmt brotaþola eru máls­at­vik þannig að hann og hóp­ur fólks gekk í gegn­um Herjólfs­dal að hvítu tjöld­un­um þegar ein stúlka í hópn­um hafi séð ákærða vera að kasta af sér þvagi inni í hvítu tjaldi.

Hún spurði hvað hann væri að gera en þá „brjálaðist“ ákærði. Hann byrjaði að sveifla hönd­un­um um allt, ein stúlka hafi fengið á sig högg og hann hafi síðan skallað brotaþola í and­litið og kastað sér á hann.

Ákærði sagðist hins veg­ar hafa verið að pissa þegar fólk hafi allt í einu komið og rifið í hann. Hann mundi það eitt að hann sló óvart ein­hvern utan und­ir og baðst fyr­ir­gefn­ing­ar á því, en sá hafi ekki verið ósátt­ur. 

Hon­um hafi síðan verið hent út en ákærði kvaðst ekki hafa skallað neinn. Hann ýtti ein­hverj­um en féll og ákærði ætlaði að kýla þann. Var hann þá dreg­inn burt og hent út. Kvaðst ákærði hafa fengið glóðar­auga við þetta og verið fjólu­blár við aug­un og með blóð við góm. Ekki hafi hann fengið þessa áverka við að skalla ein­hvern.

Brotaþoli leitaði á vakt­ina í heilsu­gæsl­unni í Vest­manna­eyj­um eft­ir at­vikið. Sam­kvæmt upp­lýs­ing­um úr sjúkra­skrá sást lít­ill skurður rétt fyr­ir neðan vinstra auga.

Sam­kvæmt fram­lögðu saka­vott­orði hef­ur ákærði níu sinn­um áður sætt refs­ingu, þar af sam­tals kr. 2.848.000 í fé­sekt­ir, skv. 5 dóm­um eða viður­laga­ákvörðunum, fyr­ir um­ferðar- og fíkni­efna­laga­brot síðan ákærði framdi brot sitt sem hann er nú dæmd­ur fyr­ir. 

Ákærði er dæmd­ur í 30 daga skil­orðsbundið fang­elsi.

 

Mbl.is greindi frá.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Meiraprófsbílstjóri óskast til starfa

29.Apríl'21

Óska eftir meiraprófsbílstjóra í vinnu sem fyrst - tímabundin vinna til 1. september.  Kranapróf kostur. Upplýsingar í síma 6600250, Magnús.

Tungumálafólk óskast til vinnu sem túlkar

10.Maí'21

Alþjóðasetur leitar að fólki í Vestmannaeyjum til starfa sem túlkar.  Góð kunnátta á móðurmáli og íslensku er skilyrði, auk góðrar færni í mannlegum samskiptum, stundvísi, háttvísi og trúnaður.  Starfið er unnið í verktöku og ráðast laun af fjölda verkefna. Vinnutími er frjáls og sniðinn að óskum hvers og eins.  Boðið er upp á gjaldfrjálst starfsþjálfunarnámskeið áður en störf hefjast. Umsókn ásamt ferilskrá sendist á asetur@asetur.is