Ferjan Bodö leysir Herjólf af í janúar

- skipið hefur leyfi til siglinga í Þorlákshöfn, á svokölluðu „B“ siglingasvæði

18.Desember'17 | 15:09

Farþegaskipið Bodö leysir Herjólf af í janúar. Ljósmynd/Marine traffic.

„Vegagerðin hefur staðfest að búið sé að leigja ferju sem mun leysa Herjólf af í janúar þegar viðgerð á gír Herjólfs verður loks kláruð. Áætlað er að viðgerð taki um 14-16 daga.” segir Gunnlaugur Grettisson rekstrarstjóri Herjólfs í samtali við Eyjar.net.

Þá segir Gunnlaugur að frágengin sé leiga á farþegaskipinu Bodö í Noregi og samkvæmt samningi á skipið að geta lagt af stað frá Noregi 21/22. janúar n.k. Áætlað er að skipið verði verði komið til landsins 24. janúar.

Helsta lýsing á ferjunni Bodö er eftirfarandi:

Lengd 80 metrar

Breidd 18 metrar

Djúprista 3.7 metrar

Ganghraði 16.5 kn

Farþegafjöldi 345 manns

Bílafjöldi 80 fólksbílar og 10 flutningabílar

Búið 4 stöðugleika uggum.