Kristján G. Eggertsson skrifar:

Ekki benda á mig

- nýr kafli í samgöngusögu Vestmannaeyja

10.Desember'17 | 09:59
ny_ferja_0412

Nýsmíði Herjólfs í smíðum í Póllandi. Mynd/aðsend.

Þessi fyrsögn kom upp í huga minn eftir að fundi var slitið í Eldheimum í gær, laugardag. Á fundinum greindi Andrés Þ. Sigurðsson, fulltrúi Vestmannaeyjabæjar í smíðanefnd nýrrar Vestmannaeyjaferju frá ýmsum breytingum sem verið er að gera á smíðinni.

Heldur var nú fátæklegur rökstuðningur okkar fulltrúa, annar en sá að þegar farið var að smíða skipið hafi ýmislegt komið í ljós sem betur mætti fara, eða hlutirnir einfaldlega ekki gengið upp samkvæmt þeim kröfum sem gerðar voru um smíðina.

Hvers vegna var farið í smíði þessarar „ferju“ sem flestir eru sammála um að enganveginn uppfyllir þarfir eða kröfur væntanlegra aðalnotenda „ferjunnar“ þ.e.a.s Vestmannaeyinga.

Nú er ætlunin að koma öllum vanköntum yfir á Landeyjahöfn.

Undirritaður er í hópi þeirra 86% bæjarbúa sem hefur verið því fylgjandi að ljúka hefði átt við gerð Landeyjarhafnar (eða allavega gera betur) áður en í smíði skips er farið.

Ekki smíða skip til þess að gagnast núverandi Landeyjahöfn heldur smíða stórt öflugt skip sem þjóna á Vestmannaeyjum bæði sem farþegaskip og vöruflutningaskip þegar hafnargerð væri komin á betra stig.

Ýmsir möguleikar hafa verið til þess að fá skip bæði keypt eða á leigu, sem trúlega hefðu hentað betur til Landeyjasiglinga en núverandi Herjólfur. Á þá möguleika hefur ekki verið hlustað.

Ég saknaði þess að fulltrúar bæjarstjórnar (bæði meiri og minnihluta ) gerðu ekki grein fyrir því af hverju samgöngumál okkar eru í þessum farvegi. Það var líklega ekki samkvæmt dagskrá þessa fundar. Væntanlega verður annar fundur boðaður til þess að skýra þeirra þátt í því hvernig komið er. Væntanlega undir yfriskriftinni „Ekki Benda á mig, kafli 2“.

Þeir munu þá væntanlega lýsa þeim þrýstingi er þeir beittu alþingismenn og ráðherra til þess að koma útboði á „ferjunni“ í gang, þrátt fyrir efasemdaraddir í röðum þingmanna.

Nú eru allir á flótta. Hönnuðir, smíðanefnd, Samgöngustofa og Bæjarstjórn Vestmannaeyja. Við eigum eftir að heyra marga segja „við berum ekki ábyrgð“ á næstu vikum og mánuðum!

 

 

Kristján G. Eggertsson

Undirritaður er áhugamaður um samgöngur og velferð Vestmannaeyja

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%