Skoðanakönnun MMR fyrir Eyjar.net:

Kjósendur Sjálfstæðisflokks vilja frekar prófkjör

9.Desember'17 | 08:53
yfir_baeinn

Vestmannaeyjabær. Ljósmynd/TMS

Í síðustu viku birti Eyjar.net niðurstöður skoðanakönnunar sem MMR framkvæmdi fyrir miðilinn. Í dag og næstu daga stendur til að rína niðurstöðurnar aðeins betur. Í dag eru það nánari niðurstöður úr spurningunni um uppröðun á lista fyrir komandi bæjarstjórnarkosningar.

Spurt var: Hvaða leið vilt þú sjá við val á lista framboða í Vestmannaeyjum í bæjarstjórnarkosningum næsta vor?

Hægt er að smella á niðurstöður (mynd) til að opna þær stærri.

Athygli vakti í síðustu viku að flestir sem tóku afstöðu til spurningarinnar vilja prófkjör eða 46,6% og einungis 15,7% uppröðun. Þegar niðurstöður eru skoðaðar betur kemur í ljós að 56% af þeim sem myndu kjósa D-lista Sjálfstæðisflokks myndu vilja sjá prófkjör við val á lista í bæjarstjórnarkosningum næsta vor og einungis 18% myndu vilja uppröðun.

Kjósendur D-lista Sjálfstæðisflokks virðast vera nokkuð ákveðnir því lægsta hlutfall óákveðinna er í þeirra hópi hvað val á lista varðar. Hlutfall þeirra sem myndu kjósa ,,annað‘‘ skiptist svipað og D-lista. Það sem vekur einnig athygli er að hæsta hlutfall þeirra sem vilja uppröðun er í hópi þeirra sem myndu kjósa E-lista Eyjalistans.

Það er einnig áhugavert að hlutfall þeirra sem sögðust óákveðnir var áberandi hæst meðal þeirra sem hugðust ekki kjósa og þeirra sem voru óákveðnir í afstöðu til flokka. Þannig að þeir sem finna sér ekki flokka til að kjósa virðist meira sama hvernig raðað er á listana.

Sjá fyrri umfjöllun um þessar niðurstöður.

 

Um könnunina:

Úrtak: 910 Íslendingar 18 ára og eldri með skráð lögheimili í Vestmannaeyjum.

Dagsetning gagnaöflunar: 31. október til 23. nóvember 2017. Fjöldi svarenda: 507 einstaklingar. Svör voru vigtuð út frá upplýsingum um aldurs- og kynjadreifingu í þýði. Aðferð: Símakönnun. Framkvæmdaraðili: MMR.

 

 

Tags

X2018 MMR

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.