Nýjum Herjólfi seinkar vegna breytinga

- afhendingartími tefst um sex vikur

4.Desember'17 | 09:34
nysmidi_herjolfs_ga

Svona lítur smíði Herjólfs út í dag. Ljósmynd/Guðmundur Alfreðsson

Samkvæmt heimildum Eyjar.net verður dráttur á að ný Vestmannaeyjaferja komi til landsins. Skipið reyndist tugum tonna þyngra en búið var að reikna út og því ristir skipið meira en ráð var fyrir gert. Því þarf að lengja ferjuna um 1,8 metra. Ekki eru það einu breytingarnar sem þarf að gera.

Einnig þarf að breyta stefni skipsins þar sem ganghraði ferjunnar var of lítill. Djúprista skipsins á að vera 2,8 metrar og til þess að það náist þarf að lengja ferjuna. Það lítur því út fyrir að nýsmíðin verði við þessa breytingu örlítið lengri en núverandi Herjólfur sem er 70,5 metrar á lengd. Er þetta í annað sinn sem ferjan er lengd.

Ekki er vitað á þessari stundu um hvort þessi breyting muni auka frátafir nýrrar ferju í Landeyjahöfn en skemmst er að minnast orða Andrésar Þ. Sigurðssonar sem sæti á í smíðanefnd. Í viðtali við Eyjar.net sagði Andrés áður en til fyrri lengingarinnar kom:

„Það er enginn efi hjá mér um það að til að ná árangri í siglingum til Landeyjahafnar þarf nýtt skip. Ef skoðuð er umferðarspá Vegagerðarinnar þá er miðað við flutninga um Landeyjahöfn. Með mörgum ferðum nást afköst í fólksflutningum. Ef við stækkum skipið fækkar ferðum til Landeyjahafnar og afköstin minnka, einnig mun eftirspurn eftir ferðum detta niður. Það hefur sýnt sig að fólk vill ekki koma til Eyja ef siglt er til Þorlákshafnar, en auðvitað er hægt að hafa áhyggjur af verkefninu því það er erfitt.”

Eyjar.net hefur sent spurningar vegna málsins á Friðfinn Skaftason formann smíðanefndarinnar. Hann baðst undan því að svara spurningum blaðamanns vegna málsins og sagðist vilja greina nýjum ráðherra frá stöðu mála fyrst. Þó sagði hann að eins og við má búast eru gerðar breytingar á smíðatímanum. „Ég get þó staðfest að ekki er um neinar stórar breytingar að ræða.” sagði Friðfinnur.

Samkvæmt heimildum Eyjar.net er dráttur á afhendingartímanum vegna þessa um sex vikur.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.