Fréttatilkynning frá Vegagerðinni

Ferjan lengd

- Vestmannaeyjaferjan sem er í smíðum í Póllandi lengd

4.Desember'17 | 16:26
nyr_herjolf_041217

Nýsmíði Herjólfs. Ljósmyndir/aðsendar.

Líkt og greint var frá hér á Eyjar.net í morgun stendur til að lengja nýsmíði Herjólfs. Vegagerðin hefur sent frá sér yfirlýsingu vegna málsins. Þar segir:

Skipasmíðastöðin CRIST S.A. í Póllandi hefur lagt til að lengja nýju Vestmannaeyjaferjuna um 1,8 metra og breyta stefninu. Með því móti tekst að halda djúpristunni innan þeirra marka sem að var stefnt.

Við þessar breytingar verður aðstaða fyrir farþega betri og ferjan getur flutt fleiri fólksbíla að jafnaði. Þessar breytingar eru verkkaupa að kostnaðarlausu en verða þess valdandi að afhending dregst eitthvað. Þessi tillaga skipasmíðstöðvarinnar er enn til skoðunar hjá samgönguráðuneytinu og Vegagerðinni. Ákvörðun verður tekin fljótlega.

Það eru gerðar afar stífar kröfur um djúpristu nýju Vestmannaeyjaferjunnar til að auðvelda siglingar í Landeyjahöfn. Það þýðir að það er fylgst vel með þyngd ferjunnar og stöðugleikanum og gripið til ráðstafana ef frávik verður.  Að mati skipasmíðastöðvarinnar verður ferjan að óbreyttu of þung og því leggur hún til að lengja nýju ferjuna lítillega og breyta stefninu.   

Samkvæmt útboðið á að skila ferjunni tilbúinni í júlí árið 2018 en komi til þessa gæti það orðið síðsumars í staðinn, segir í yfirlýsingunni.

 

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Liðakeppnin í snóker

20.Apríl'18

Um helgina er liðakeppni í snóker haldin hér í Eyjum. Hægt er að fylgjast með gangi mála hér.