Ný skoðanakönnun MMR fyrir Eyjar.net:

80% telja að ríkisstyrkt flug komi að miklu leyti til móts við þarfir í samgöngumálum

- ánægja með bæjarstjórn Vestmannaeyja eykst í samgöngumálunum

28.Nóvember'17 | 06:55
ernir_vestmannaeyjaflugvollur

Vél Flugfélagsins Ernis á Vestmannaeyjaflugvelli. Ljósmynd/TMS.

Rúmlega 80% telja að ríkisstyrkt flug milli lands og Vestmannaeyja komi að miklu leyti til móts við þarfir í samgöngumálum þegar samgöngur um Landeyjahöfn liggja niðri. Þetta sýna niðurstöður nýrrar skoðanakönnunar MMR sem gerð var fyrir Eyjar.net.

Spurt var: Telur þú að ríkisstyrkt flug milli lands og Vestmannaeyja myndi koma að miklu eða litlu leyti til móts við þarfir þínar í samgöngumálum þegar samgöngur um Landeyjahöfn liggja niðri?

Hægt er að smella á niðurstöður (myndir) til að opna þær stærri.

Rúmlega 80% telja að ríkisstyrkt flug milli lands og Vestmannaeyja komi að miklu leyti til móts við þarfir í samgöngumálum þegar samgöngur um Landeyjahöfn liggja niðri. Fyrir opnun Landeyjahafnar var notkun á flugsamgöngum mikil en niðurgreiðsla uppá 120 milljónir á flug til Vestmannaeyja var aflögð 2010 vegna bættra samgangna. Þrátt fyrir að frátafir hafi verið mun meiri og ekki í takt við það sem var reiknað með.

Þeim fjölgar töluvert sem eru ánægðir með bæjarstjórn í samgöngumálum

Spurt var: Hversu vel eða illa finnst þér bæjarstjórn Vestmannaeyja hafa staðið sig í samgöngumálum Vestmannaeyja?

Þessi spurning hefur verið spurð einu sinni áður og breytist mikið. Það dregur mikið úr óánægju á milli ára og þeim fjölgar töluvert sem eru ánægðir. Ánægju gætir meira hjá konum og meiri breytingar hjá þeim milli ára en körlum. Aldurinn 18-29 er einnig ánægðastur og mesta breyting hjá þeim aldurshóp á milli ára. 

Frekari niðurstöður úr könnuninni verða birtar næstu daga hér á Eyjar.net.

Hér má sjá niðurstöðurnar sem kynntar voru í gær.

 

 

Um könnunina:

Úrtak: 910 Íslendingar 18 ára og eldri með skráð lögheimili í Vestmannaeyjum.

Dagsetning gagnaöflunar: 31. október til 23. nóvember 2017. Fjöldi svarenda: 507 einstaklingar. Svör voru vigtuð út frá upplýsingum um aldurs- og kynjadreifingu í þýði. Aðferð: Símakönnun. Framkvæmdaraðili: MMR.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).