Halldór Bjarnason skrifar:

Enn mjálmar bæjarstjórinn

13.Nóvember'17 | 20:28
halldor_bjarna

Halldór Bjarnason.

Enn og aftur kemur bæjarstjórinn fram í samfélagsmiðli með mjálm og reynir að telja okkur í trú um að hann hafi enga aðkomu haft að ákvarðanatöku í samgöngumálum Eyjamanna. 

Hann segist með öllu áhrifalaus, þrátt fyrir að tveir innanríkisráðherrar hafi farið yfir að engar ákvarðanir séu teknar gegn vilja kjörinna fulltrúa bæjarins og bæjarstjóri er kjörinn fulltrúi. Seinasta dæmið var stjórnsýslukæran vegna notkunar háhraðaferju sem Eimskip kom með í kringum Þjóðhátíð.

Bæjarstjóri brikslar ritstjóra Eyjar.net um að ala á sundrung og efasemdum hjá bæjarbúum. Ef bæjarstjórinn myndi aðeins kíkja út fyrir hjörðina sína, hlusta á hinn almenna bæjarbúa og fara að vinna fyrir þá sem eru að borga honum laun, þ.e.a.s. hinn almenna bæjarbúa, sem er í yfir 80% sammála því sem Tryggvi skrifar.

Ef bæjarstjórinn dregur í efa tvær skoðanakannanir sem hafa verið gerðar fyrir Eyjar.net á vegum MMR sem sýna að bæjarstjórinn er að fara í suður þegar bæjarbúar vilja fara í norður. Ef bæjarstjórinn er ekki enn að skilja hvað bæjarbúar vilja þá er smá upprifjun fyrir hann. Haldinn var einn fjölmennasti borgarafundur í Eyjum árið 2013 um samgöngumál þar voru samþykktar kröfur í fjórum liðum:

 

1. Endurskoðun á hönnun og frágangi Landeyjahafnar til öruggra siglinga verði sett í forgang, og því lokið sem allra fyrst.

2. Hönnun Landeyjahafnar verði það vel úr garði gerð að frátafir verði ekki meiri en við siglingar til Þorlákshafnar.

3. Þarfir Eyjamanna og flutningsgeta á að sitja í fyrirrúmi við hönnun farþegaferju, en ekki stærð Landeyjahafnar.

4. Að farþegaferjur á Íslandi verði skilgreindar sem þjóðvegur, hluti af þjóðvegakerfi landsins.

 

Ef þetta eru ekki afdráttalaus skilaboð þá veit ég ekki hvernig á að troða því í hausinn á bæjarstjóranum.

Að framansögðu sé ég ekki betur en að það sé bæjarstjórinn sjálfur sem er að ala á sundrung meðal bæjarbúa því ekkert af kröfum fundarins hafa náð fram að ganga. Bæjarstjórinn á að vera að berjast fyrir þessu sem bæjarstjóri. Því segi ég enn og aftur hættu að mjálma og farðu að vinna vinnuna þína.

Ef það leikur einhver vafi í huga bæjarstjórans eftir þessa upptalningu hver sé vilji bæjarbúa þá kannar hann og spyr að því í lýðræðislegri íbúakosningu og fær það á hreint hvernig íbúarnir vilja forgangsraða í samgöngumálum og vinnur svo eftir því hvort sem honum líkar betur eða verr. Ef bæjarstjórinn telur sig ekki geta unað þeirri niðurstöðu, þá segir hann einfaldlega af sér og fær sér annað starf.

 

 

Halldór Bjarnason

íbúi í Vestmannaeyjum

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla. 

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum S: 481-1313 / Gsm: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lokað vegna leyfis hjá HárArt

6.Nóvember'17

Kæru viðskiptavinir. Hárstofan HárArt verður lokuð frá 9 – 22 nóvember. Bestu kveðjur Arnbjörg.  HárArt sími 8970050