Breki VE á reynsluveiðum í Gulahafi

13.Nóvember'17 | 17:16
breki_ve_a_siglingu_vsv

Breki VE. Ljósmynd/vsv.is

Breki VE hefur verið prófaður til veiða í kínverskri landhelgi og verður sendur í aðra reynsluferð þegar brugðist hefur verið við minniháttar aðfinnslum í fyrri ferðinni.

Fulltrúar Samgöngustofu fóru til Kína og tóku út Breka og Pál Pálsson ÍS eins og lög gera ráð fyrir og voru í kínversku skipasmíðastöðinni í um viku við úttekt á togurunum tveimur, að því er segir í frétt á heimasíðu Vinnslustöðvarinnar.

Fá og tiltölulega smá verk standa enn út af. Alveg í lokin verða skipin tekin í slipp á nýjan leik til að ljúka við að mála þau áður en þeim verður siglt heim á leið.

Augljóst er að Breki og Páll koma ekki hingað til lands fyrr en komið er árið 2018 en best er í ljósi reynslunnar að nefna engar frekari tímasetningar að sinni. Það hefur dregist úr hömlu að ljúka því sem eftir er!

Magnús Ríkharðsson, skipstjóri á Breka VE, er nýkominn frá Kína og tók þátt í reynsluveiðum á báðum íslensku togurunum. Hann segir að þeir hafi reynst mjög vel: 

„Við sigldum um 30 mílur út á Gulahaf, mitt á milli Kína og Suður-Kóreu, og vorum þar bæði í góðviðri og í kalda sem Kínverjar kölluðu reyndar brælu. Þannig gátum við prófað veiðar við mismunandi veðurskilyrði á miðunum. Skipin drógu trollin vel og það kom ágætlega út þegar prófað var að beygja skipunum á meðan togað var.“

Fiskurinn sem upp kom var bæði kunnuglegur og framandi, að miklu leyti smár skötuselur. Það sem hins vegar var gjörsamlega framandi var heldur ógeðfelldur fnykur af trollinu þegar það var komið um borð. Skýringin á því er sú að sjórinn er í meira lagi súr og lykt af veiðarfærum eftir því!

 

Fleiri myndir frá siglingu Breka má finna á heimasíðu VSV.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).