Íbúðarhúsið í Stórhöfða var byggt 1931

- en ekki frá 1906, líkt og bókað var hjá umhverfis- og skipulagsráði

6.Nóvember'17 | 14:02
ibudarhus_storhofda

Íbúðarhúsið í Stórhöfða. Ljósmynd/TMS.

Í morgun var greint frá því hér á Eyjar.net að á síðasta fundi umhverfis- og skipulagsráðs hafi verið tekin fyrir umsókn um byggingarleyfi í Stórhöfða. Þar kom fram að umhverfis- og skipulagsráð frestaði erindinu og bendir á að íbúðarhúsið í Stórhöfða sé byggt árið 1906.

Ártalið sem nefnt er í fundargerðinni virðist hins vegar ekki rétt. Á vefsíðunni Heimaslóð.is er hægt að finna ýmsan fróðleik um Vestmannaeyjar. Þar segir um byggingar í Stórhöfða:

Bygging vitans

Alþingi samþykkti fjárveitinguna til vitans og var hann byggður fyrir íslenskt fé sumarið 1906. Gísla J. Johnseni var falið að byggja vitahúsið, sem hann og gerði. Ekki þótti fulltrúa dönsku vitamálastofnunarinnar vel hafa tekist til, og gerði allnokkrar endurbætur á húsinu. Dönsku ljóshúsi var komið fyrir á húsinu með steinolíulampa. Árið 1953 var vitinn svo raflýstur með straumi frá ljósavélum. Straumur frá rafveitu var tekinn inn árið 1979.

Auk vitabyggingar var reist hús fyrir vitavörð og var það bárujárnsklætt timburhús. Árið 1931 var steinsteypt íbúðarhús byggt. Húsið var hækkað í tvær hæðir á árunum 1964-65. Vélahús, sem stendur sunnan við íbúðarhúsið, var byggt árið 1956. Í dag er húsið syðsti mannabústaður á Íslandi, segir á vefnum Heimaslóð.is.

Til gamans má geta þess að á vef Minjastofnunnar má sjá lista yfir þau hús sem eru friðuð. Í Vestmannaeyjum er þrjú hús friðuð. Það eru Ráðhúsið, Landakirkja og Landlyst.

 

 

Landlyst

Landakirkja

radhusid (2)

Ráðhúsið

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).