Kjörfundur hafinn í Barnaskólanum

28.Október'17 | 10:30
kjorstadur_eyjar

Hægt er að kjósa í Barnaskólanum til klukkan 22.00 í kvöld. Ljósmyndir/TMS.

Kjörfundur hófst á slaginu klukkan 9.00 í morgun og stendur hann til klukkan 22.00 í kvöld. Rólegt var á kjörstað er ljósmyndari Eyjar.net leit þar við á tíunda tímanum í morgun. Fleiri myndir af kjörstað má sjá hér neðar í þessari frétt.

Á vef Rúv er rætt við Ástríði Grímsdóttur, formann yfirkjörstjórnar Suðvesturkjördæmis, um hvað má gera og hvað má ekki gera á kjörseðilinn.

Það sem má gera:

  • Strika yfir öll nöfn frambjóðenda nema eitt á þeim lista sem er kosinn.
  • Gefa frambjóðendum á listanum sem er kosinn ný númer. Þannig t.d. ef kjósandi vill að frambjóðandi í 3. sæti listans verði í 1. sæti, setur hann tölustafinn 1 fyrir framan nafn frambjóðandans.
  • Merkja X, V eða strik í kassann fyrir framan listabókstafinn á kjörseðlinum.

Listinn yfir það sem má alls ekki gera er mun lengri. 

Það sem má ekki gera:

  • Strika yfir öll nöfn frambjóðenda. 
  • Strika yfir nöfn frambjóðenda á öðrum lista en kosinn er.
  • Gera broskall, hjarta eða annað tákn á seðilinn því þannig verður hann rekjanlegur.
  • Skrifa vísu á kjörseðilinn.
  • Skrifa eitthvað um frambjóðendur eða flokka.
  • Sýna öðrum hvernig viðkomandi greiddi atkvæði.
  • Taka mynd af kjörseðlinum í kjörklefanum þar sem sést hvernig viðkomandi greiddi atkvæði og birta myndina á samfélagsmiðlum eða annars staðar.
  • Fylla alveg út í kassann fyrir framan listabókstafinn. Í þessum kassa má bara setja X, V eða strik. Með því að fylla alveg út í kassann er búið að auðkenna seðilinn.

Ástríður segir að það sé alltaf eitthvað um að kjósendur geri broskalla eða hjörtu á kjörseðlana og geri þá þannig ógilda. 

Ástríður segir að óheimilt sé að taka myndir í kjörklefanum og í rauninni megi ekki fara með síma inn í kjörklefann. „Það verða skilti í öllum kjördeildum þar sem verða myndir af farsíma og strik yfir,“ segir Ástríður. 

 

joi_p

Jóhann Pétursson er formaður kjörstjórnar.

kosning_2017

Starfsmenn með formanni á kjörstað.

Pall_magg

Páll Magnússon kaus snemma í morgun.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.