Elliði Vignisson um væntanlega yfirtöku á rekstri Herjólfs:

Langt frá því að samningar séu í höfn

23.Október'17 | 23:19
ev_her_17

Elliði segir að það sé einlægur vilji beggja megin við borðið til þess að láta hlutina ganga upp. Mynd/samsett.

Fulltrúar Vestmannaeyjarbæjar, samgönguráðuneytisins og Vegagerðarinnar funda á morgun um yfirtöku bæjarins á rekstri Herjólfs. Bæjarstjórinn segir langt frá því að samningar séu í höfn.

Elliði Vignisson bæjarstjóri reiknar með því að bærinn reki ferjuna. Hann hafði þetta að segja um málið við fréttastofu RÚV nú í kvöld.
 
„Við höfum alla vega gengið út frá því að þetta yrði rekið í gegnum hlutafélag, í gegnum opinbert hlutafélag. En það er allt opið í þeim efnum. Hvað síðar kann að verða, hvort við bjóðum þetta út eftir að við erum komin með tilfinningu fyrir þessum rekstri.“

 

Það er náttúrulega skylt að fara í útboð með þetta? 

Nei.“

Nú?

„Nei, nei, sveitarfélög hafa verið að taka við verkefnum frá ríkinu mjög reglulega.“

Mun Herjólfur sigla oftar eða hvernig verður það?

„Það náttúrulega verður ákveðin breyting þegar þetta er tekið út úr þessu mengi sem þetta hefur verið í. Og ferjan yrði þá rekin á þessum sömu forsendum og aðrir hlutar þjóðvegakerfisins.“

Þannig að þetta á eftir að batna að þínu mati?

„Ja, til þess erum við náttúrulega að þessu.“

Það er dálítið síðan að Vestmannaeyjabær lýsti yfir áhuga á þessu en hvenær áttu von á því að það verði skrifað undir samning?

„Ja, við erum langt frá því ennþá.“

En drög eru komin?

„Ja, við erum komin með ákveðna aðferðafræði sem við munum kynna fyrir ríkinu betur á morgun, fyrir samgönguráðuneytinu og Vegagerðinni á morgun. Á sama hátt hafa þeir kynnt ákveðna hugmyndafræði fyrir okkur. Og það er einlægur vilji beggja megin við borðið til þess að láta hlutina ganga upp og það er gott veganesti.“

 

Ruv.is

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).