Vara­hlut­ir Herjólfs stóðust ekki gæðakröf­ur

Þetta kem­ur fram í frétta­til­kynn­ingu frá Eim­skipa­fé­lag­inu, sem seg­ir dap­ur­legt að í frétta­flutn­ingi af sein­kunn viðgerðar sé skuld­inni al­farið skellt á Eim­skip þrátt fyr­ir að „aðilum sé full­ljóst hvernig í pott­inn er búið“.

„Eim­skip sem nú­ver­andi rekst­araðili skips­ins get­ur illa tekið ábyrgð á verk­smiðjugalla og töf­um eða mis­tök­um við smíði á vara­hlut­um þegar um­sjón­araðili verks­ins er fram­leiðandi vél­ar­inn­ar og þar með þeir aðilar sem best þekkja til máls­ins,“ seg­ir í frétta­til­kynn­ing­unni. Mbl.is greinir frá.

Sjá einnig: Herjólfur fer ekki í viðgerð í nóvember

Við reglu­lega slipp­töku Herjólfs sl. vor hafi komið í ljós skemmd á gír skips­ins vegna galla. Herjólf­ur var sér­hannaður og smíðaður árið 1992 til að sigla í Þor­láks­höfn. „Þegar um svo gam­alt skip er að ræða eru marg­ir vara­hlut­ir í skipið ekki lag­erv­ara sem hægt er að ganga að sem vís­um þegar bil­un eða skemmd kem­ur upp.“

Bil­un­in sem varð í Herjólfi nú og staða vara­hluta sé þannig að hvorki Vega­gerðin, sem er eig­andi skips­ins, né fram­leiðandi vél­búnaðar skips­ins, eigi á lag­er þá hluti sem þurfi til viðgerðar og því þurfi að smíða viðkom­andi vara­hluti frá grunni. Fyrstu frétt­ir frá fram­leiðanda hafi verið þær að fram­leiðsla og ísetn­ing gæti tekið allt að sex mánuði.

„Frá því Eim­skip tók við rekstri Herjólfs árið 2006 hef­ur ferj­an fengið fyrsta flokks viðhald sem unnið hef­ur verið af reynd­um og sér­hæfðum starfs­mönn­um Eim­skips og einnig m.a. með fram­leiðend­um véla­búnaðar­ins sem er danskt úti­bú þýska fyr­ir­tæk­is­ins MAN og svo var einnig nú.“

Þetta sé gert til að tryggja að þegar komi að jafn mik­il­væg­um þætti og vél­búnaði farþega­ferju sem sigli við veru­lega krefj­andi aðstæður þá séu alltaf kallaðir til fær­ustu sér­fræðing­ar.  

Mbl.is