Herjólfur tók niðri í Landeyjahöfn

- verið að skoða botn skipsins.

20.Október'17 | 11:19
IMG_4157

Herjólfur hér að sigla út Landeyjahöfn. Ljósmynd/TMS.

Herjólfur sigldi sína fyrstu ferð til Landeyjahafnar nú í morgun eftir tveggja daga brælu. Búist var við grynningum eftir bræluna og því var strax í morgun tilkynnt um að ekki yrði sigld ferðin kl. 11 frá Eyjum vegna flóðastöðu.

Vel gekk að sigla inn Landeyjahöfn en á útleiðinni tók skipið niðri og því ljóst að grynningarnar eru orðnar töluverðar. Við síðustu dýptarmælingu sem gerð var þann 16. október var dýpið gott. Þá fjallaði Elliði Vignisson bæjarstjóri um dýpið og sagði við það tilefni ,,Eins og þar sést er dýpi milli garða á bilinu 6,4 til 8 metrar.  Þar að auki hefur gengið vel að dýpka utanhafnar bæði að austan og vestan."

Djúprista Herjóllfs er 4,2 metrar og því ljóst að mikil hreyfing er á sandinum við höfnina. Gunnlaugur Grettisson rekstrarstjóri Herjólfs segir í samtali við Eyjar.net að skipið hafi tekið niðri á milli garða. Nú er kafari að skoða skipið og ef allt reynist í lagi er áætlað að halda áætlun og sigla þá á flóði til Landeyjahafnar. Næsta ferð er fyrirhuguð klukkan 16.00.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.