Rannsókn á hrottalegri nauðgun lokið

19.Október'17 | 07:04
vestm_kona_logr

Samsett mynd.

Hrottafengin nauðgun og líkamsárás í Vestmannaeyjum fyrir ári er komin í ákæruferli. Þetta staðfestir Páley Borgþórsdóttir, lögreglustjóri í Vestmannaeyjum. Rannsókn lögreglu hafi lokið nýlega.

Málið varðar hrottalega árás á konu á fimmtugsaldri sem fannst meðvitundarlítil í húsgarði í Vestmannaeyjabæ aðfaranótt 17. september í fyrra. Maður á þrítugsaldri var handtekinn skömmu síðar grunaður um að hafa beitt konuna hrottalegu ofbeldi og nauðgað henni. Hann sat um tíma í gæsluvarðhaldi vegna málsins. Ruv.is greinir frá.

Árásin var mjög alvarleg. Konan var flutt með þyrlu á Landspítalann í Fossvogi. Fram kom í fréttum að hún hefði verið svo bólgin í andliti að hún gat ekki opnað augun og líkamshiti hennar hafi verið 35,5 gráður þegar hún fannst. Lögregla telur að hefði hún ekki fengið aðstoð hefði það getað orðið henni að fjörtjóni. 

Konan hefur verið erlendis frá því fljótlega eftir árásina og fóru lögreglumenn utan í sumar til að taka skýrslu af henni. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.