Sýknaður af nauðgun á Goslokahátíð

18.Október'17 | 19:25

Héraðsdómur Suðurlands hefur sýknað rúmlega fimmtugan mann af ákæru um nauðgun og kynferðislega áreitni á Goslokahátíð í Vestmannaeyjum fyrir tveimur árum. 

Maðurinn er hins vegar fundinn sekur um blygðunarsemisbrot með því að draga buxur konunnar niður um hana. Fyrir það fær hann þriggja mánaða skilorðsbundinn fangelsisdóm. Ruv.is greinir frá.
 
Vegfarandi sá til mannsins og konunnar, þar sem hún sat rænulaus á bekk um klukkan 8 að morgni með buxurnar niður um sig og maðurinn með aðra höndina á milli fóta hennar. Vegfarandinn tók mynd úr nokkurri fjarlægð af því sem fyrir augu bar og tilkynnti málið til lögreglu. Í vor ákærði Héraðssaksóknari manninn fyrir nauðgun og kynferðislega áreitni með því að gyrða niður um konuna, kyssa hana og stinga fingrum sínum nokkrum sinnum inn í leggöng hennar.

 

Niðurstaða héraðsdóms er sú að þetta sé að mestu ósannað. Þótt erfðaefni úr konunni hafi fundist á fingrum mannsins hafi sérfræðingar borið um það fyrir rétti að það hefði allt eins getað verið vegna þess að þau hefðu haldist í hendur eða snerst á annan slíkan hátt. Hins vegar teljist sannað að maðurinn hafi gyrt buxurnar niður um konuna, enda geti enginn annar komið þar til greina – konan hafi sjálf verið rænulaus og ófær um að afklæðast.

Krafðist 2,2 milljóna – fær 100.000 krónur

Í dómnum er vitnað til skýrslu geðlæknis sem hefur haft konuna til meðferðar. Þar segir að fyrst eftir atvikið hafi kvíði og depurð hrjáð hana, hún hafi fengið ofsakvíðaköst og átt erfitt með að vera meðal fólks. Þá hafi hún átt í vandræðum með svefn. Þetta hafi síðan lagast nokkuð en hún þurfi þó enn að sæta meðferð og eftirfylgni. Geðlæknirinn segir að konan hafi sagt honum að maðurinn hafi haft við hana samræði þegar hún var áfengisdauð.

Konan krafðist 2,2 milljóna króna í bætur úr hendi mannsins, en dómurinn dæmir hann til að greiða henni 100.000 krónur.

Maðurinn lýsti því einnig fyrir dómi að málið hefði haft áhrif á hann – hann hefði verið sjómaður en settur „á ís“ þegar málið kom upp. Síðan hafi hann flutt frá Vestmannaeyjum til móður sinnar og byrjað að starfa sem rútubílstjóri með 60-70% minni tekjur en áður.

 

Ruv.is.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).