Stefán Óskar Jónasson skrifar:

Lækkun leikskólagjalda

- vill að gjaldskrá leikskóla verði endurskoðuð árlega svo þessi saga endurtaki sig ekki

18.Október'17 | 15:33
stebbi_leikskolaborn_2017_cr

Stefán Óskar Jónasson. Mynd/samsett.

Fyrsta dag septembermánaðar ritaði Freyr Arnaldsson grein á Eyjar.net þar sem hann bar saman leikskólagjöld í Vestmannaeyjum við sambærileg sveitarfélög. 

Sá samanburður kom illa út fyrir Vestmannaeyjabæ og á Freyr þakkir skildar fyrir að benda á hvernig álögur á barnafjölskyldur í Eyjum hafa aukist umfram önnur sambærileg sveitarfélög. Er þar fyrst og fremst um að kenna vísitölutengdum breytingum ársfjórðungslega á leikskólagjöldin hér í Eyjum á meðan flest önnur sveitarfélög láta sér nægja að endurskoða álögur sem þessar árlega.

Í lok september var svo samþykkt í fræðsluráði lækkun leikskólagjalda. Reyndar var ráðið ekki með nýjustu gjaldskránna fyrir framan sig þegar málið var rætt og því var prósentutalan í bókuninni ekki rétt. Í bókun bæjarstjórnar Vestmannaeyja frá í gær segir:

„Vegna mistaka við undirbúning og frágang fundargerðar vill bæjarstjórn Vestmannaeyja taka fram að leikskólagjöld eru lækkuð úr 3.898 kr á hverja dvalarstund niður í 3.150 á hverja dvalarstund fyrir 8 klst. vistun og nemur því raunlækkun dagvistunargjalda leikskóla rúmum 19%.”

Það er því ánægjulegt að tilkynna bæjarbúum það að þann 1. nóvember lækka leikskólagjöldin á leikskólum bæjarins. Kostnaður Vestmannaeyjabæjar við þessa lækkun er áætlaður 1,5 – 1,8 milljónir út þetta ár og er þeim fjármunum vel varið. Ósk mín er raunar sú að í framhaldinu verði gjaldskráin fyrir leikskóla Vestmannaeyjabæjar endurskoðuð árlega svo þessi saga endurtaki sig ekki.

 

Stefán Jónasson.

Bæjarfulltrúi Eyjalistans.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).