Hópurinn Horfum til framtíðar:

Vilja svör frá frambjóðendum

um samgöngur á milli lands og Eyja.

17.Október'17 | 16:02
IMG_6264

Herjólfur kemur hér inn Landeyjahöfn. Ljósmynd/TMS.

„Þann 18. apríl 2013 var boðaði hópurinn Horfum til framtíðar til borgarafundar í Vestmannaeyjum vegna óánægju í samgöngumálum á milli lands og Eyja. Fundurinn var einn sá fjölmennasti sem haldinn hefur verið í Eyjum.” 

Svona hefst bréf frá hópnum sem sent var í dag á forystumenn framboða í Suðurkjördæmi. Svo segir:

„Síðan er liðið á fimmta ár og óhætt er að segja að enn gæti mikillar óánægju með stöðu mála í byggðarlaginu. Krafa fundarins var sett fram í fjórum liðum sem sjá má hér að neðan. Það sorglega er að ekkert af kröfum heimamanna eru orðnar að veruleika .

  1. Endurskoðun á hönnun og frágangur Landeyjahafnar til öruggra siglinga verði sett í forgang, og því lokið sem allra fyrst.
  2. Hönnun Landeyjahafnar verði það vel úr garði gerð að frátafir verði ekki meiri en við siglingar í Þorlákshöfn.
  3. Þarfir Eyjamanna og flutningsgeta á að sitja í fyrirrúmi við hönnun farþegaferju, en ekki stærð Landeyjahafnar.
  4. Að farþegaferjur á Íslandi verði skilgreindar sem þjóðvegur, hluti af þjóðvegakerfi landsins.

Því er spurt:

  1. Er einhver von til þess að eitthvað að ofangreindum kröfum verði samþykkt á næstu misserum?
  2. Nú er ljóst að þriðji liðurinn í samþykktinni mun ekki ganga eftir miðað við hönnunarsamþykkt nýrrar ferju. Hvernig á að bregðast við því?
  3. Er ekki nauðsynlegt að láta vinna nýja þarfagreiningu á þessa leið?
  4. Hvað leggur þú (og þitt framboð) til að gert verði til að bæta ástandið á næstu vikum og mánuðum?”

 

Óskað var eftir að svör við ofangreindum spurningum liggi fyrir í næstu viku.

 

Þessi skjöl voru send með til frambjóðenda:

Skoðanakönnun MMR frá febrúar 2016.

Þarfagreining Vegagerðarinnar frá 2012. Háspáin kemst næst raunveruleikanum eftir gríðarlegan vöxt ferðamanna til landsins eftir að skýrslan kom út.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).