Fram­bjóðandi sæk­ir um stöðu sak­sókn­ara

10.Október'17 | 15:19

Karl Gauti Hjaltason.

Karl Gauti Hjalta­son, sem leiðir fram­boðslista Flokks Fólks­ins í Suður­kjör­dæmi, er á meðal þeirra tutt­ugu og sex sem sótt hafa um stöðu sak­sókn­ara við embætti rík­is­sak­sókn­ara. Hann var áður sýslumaður í Vest­manna­eyj­um frá 1998-2014 og skóla­stjóri Lög­reglu­skóla Íslands frá 2014-2016.

Mbl.is greinir frá. „Ég á ekk­ert víst þing­sæti, frek­ar en nokk­ur ann­ar,“ seg­ir Karl Gauti í sam­tali við mbl.is, er hann er spurður að því hvernig það fari sam­an að leiða lista stjórn­mála­flokks og að sækj­ast eft­ir nýju starfi.

„Ef ég kemst ekki á þing mun ég halda minni um­sókn til streitu, en ef ég kemst á þing mun ég draga hana til baka, að sjálf­sögðu. Ég er bara að sækja um vinnu og jafn­framt í fram­boði. Það á eng­inn neitt þing­sæti, það er al­veg klárt. Það þarf umboð kjós­enda til þess,“ seg­ir Karl Gauti.

Flokk­ur Fólks­ins mæld­ist með 9% fylgi í síðustu könn­un Fé­lags­vís­inda­stofn­un­ar Há­skóla Íslands, sem gerð var fyr­ir Morg­un­blaðið. Það myndi skila þeim sex þing­mönn­um og lík­legt að Karl Gauti yrði einn þeirra.

„Þó að kann­an­ir sýni eitt­hvað í dag þá er ekk­ert búið að telja upp úr kjör­köss­un­um. Menn geta nú sótt um fleiri en eitt starf í einu. Ég er í at­vinnu­viðtali núna hjá þjóðinni,“ seg­ir Karl Gauti.

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla. 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Hefur þú hugmynd?

20.Apríl'17

Lumar þú á hugmynd fyrir Eyjar.net? Til að gera vefsíðuna betri. Endilega sendu okkur línu á eyjar@eyjar.net!