Beiðni um rannsókn ekki borist samgöngunefnd

10.Október'17 | 07:08
rost_heimkl_cr

Afleysingaferjan Röst leysti Herjólf af í síðasta mánuði. Ljósmynd/TMS.

„Umhverfis- og samgöngunefnd Alþingis hefur ekki borist formlegt erindi frá bæjarstjórn Vestmannaeyja, sem þarf til að hægt sé að bregðast við af hálfu nefndarinnar.” Þetta sagði Valgerður Gunnarsdóttir, formaður nefndarinnar í svari sínu til Eyjar.net er hún var innt eftir svörum um hvar málið stæði.

Þetta svar barst ritstjóra Eyjar.net fyrir viku síðan. Fyrirspurnin var ítrekuð í gær en formaður nefndarinnar svaraði því til að henni hafi ekki borist nein tilkynning um að erindi bæjarstjórnar væri komið til Alþingis. 

Sjá einnig: Fara fram á opinbera rannsókn

Stefnt á viðgerðarstopp Herjólfs í nóvember

Eyjar.net hefur einnig sent fyrirspurn á Hrein Haraldsson, vegamálastjóra vegna leigu á Röst. Hann segir að heildarkostnaður liggi ekki fyrir ennþá vegna Röst. „Það á m.a. eftir að ræða betur við eigendur að Röst vegna rangra upplýsinga sem við fengum. En rekstraraðilinn, Eimskip, ber ábyrgð á viðhaldi og viðgerðum og þá einnig varahlutum.”

Aðspurður varðandi annað afleysingaskip fyrir næsta stopp Herjólfs segir Hreinn að viðræður séu í gangi við eigendur skips og stefnt er á að skip geti komið inn fyrir Herjólf seinni hluta nóvember næstkomandi.

 

 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla. 

Hefur þú hugmynd?

20.Apríl'17

Lumar þú á hugmynd fyrir Eyjar.net? Til að gera vefsíðuna betri. Endilega sendu okkur línu á eyjar@eyjar.net!