Opið málþing í Sagnheimum á morgun

- bryggjunni, 2. hæð Safnahúss kl. 13.00 – 15.00

6.Október'17 | 06:59
ingolfur_the_og_gaesi_netagerd_sagnh.is

Mynd/sagnheimar.is

Í tilefni þess að á þessu ári eru liðin 120 ár frá því að áraskip frá Eyjum hófu veiðar með línu standa Sagnheimar fyrir opnu málþingi á morgun, laugardag um þróun veiða, veiðarfæra og netaverkstæða í Vestmannaeyjum.

Hugmyndin að opnu málþingi um þróun veiða, veiðarfæra og rekstur netaverkstæða í Vestmannaeyjum varð til í bakvarðahópi Safnahúss Vm og Sagnheima. En á  þessu ári eru liðin 120 ár frá því áraskip frá Eyjum hófu línuveiðar, en áður voru handfærin eina veiðarfærið.

Hópur undir forystu Helgu Hallbergsdóttur í Sagnheimum og Arnars Sigurmundssonar ræddi málin og útfærði hugmyndina.

Fólk hvatt til að mæta og taka þátt í yfirferð um atvinnulífið

Í samtali Eyjar.net við Arnar Sigurmundsson kom fram að hann mun fjalla um Netagerð Vestmannaeyja hf.  (1936-1960 ) sem framleiddi einkum þorskanet og byggði verksmiðjuhús við Heiðarveg þar sem Slökkvistöð Vm. og Sæheimar eru nú til húsa. Þá mun hann einnig ræða Kaðlagerð Þórðar (Dodda) Stefánssonar Faxastíg 2 sem framleiddi fangalínur fyrir fiskiskip  úr notuðum nylonnetum frá 1959-1986. Haraldur Þ. Gunnarsson um fjalla um þróun veiða  áraskipa og fiskibáta frá Eyjum og síðan tekur við þéttur pakki og farið  yfir sögu netaverkstæða í Eyjum sem spannar um 80 ár og þar munu nokkrir heima netamenn leggja orð í belg.   

Í lokin  mun Guðmundur Gunnarsson hjá Hampiðjunni í Reykjavík fjalla um þróun botnvörpunnar frá upphafi togaraaldar á Íslandi 1905. Helga Hallbergsdóttir safnvörður mun stjórna málþinginu sem opinn fundur og er fólk hvatt til að mæta og taka þátt í yfirferð um atvinnulífið sem skapað hefur undirstöðuna frá upphafi byggðar í Eyjum. Menningarsjóður Suðurlands styrkir Málþingið, en öll undbúningsvinna hefur verið unnin í sjálfboðavinnu, segir Arnar.

Málþingið verður eins og áður segir í Sagnheimum milli kl. 13.00- 15.00 á morgun, laugardag.

 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.