Jón Pétursson skrifar:

Leiðrétting - leikskólagjöld lækkuð um rétt tæp 20%

- Mikil uppbygging í þjónustu við börn og foreldra þeirra

27.September'17 | 09:45
soli_17

Leikskólinn Sóli. Ljósmynd/TMS.

Við undirbúning á fundi fræðsluráðs urðu mér sem starfsmanni á mistök sem ég vil hér með leiðrétta.  Mistökin voru þau að mér hafði verið fyrirlagt að undirbúa lækkun leikskólagjalda niður í 3.150 krónur og var mér það bæði ljúft og skylt.  

Við frágang bókunar greip ég á röngum stað niður í gjaldskrá og færði til bókar að gildandi gjaldskrá væri 3.616 kr. en ekki 3.898 kr. eins og staðreyndin var.

Á þessu grunni gekk ég frá fundargerðinni á þeim forsendum að lækkunin væri 12,9%.  Hið rétta er sem sagt að leikskólagjöld í Vestmannaeyjum voru í gær lækkuð um næstum 20% (19,2%). 

Þar sem ég hef nú stungið niður penna vil ég nota tækifærið til hrósa fræðsluráði fyrir þá miklu uppbyggingu hún hefur staðið að þegar kemur að þjónustu við börn og foreldra þeirra.  Sem dæmi um þessa uppbyggingu má til dæmis nefna niðurgreiðslur dagforeldra frá 9 mánaða aldri, heimagreiðslur til foreldra sem nýta ser ekki þjónustu dagforeldra, fjölgun leikskólaplássa og fjölgun inntökutímabila barna á leikskóla. Þar til viðbótar hefur nú veirð tekin ákvörðun um stækkun Kirkjugerðis til að bæta við nýrri leikskóladeild og fjölga enn leikskólaplássum til að standa undir því markmiði að öll börn sem eru orðin 18 mánaða komist inn á leikskóla en í dag er ekkert barn 18 mánaða eða eldra á biðlista eftir leikskólaplássi.

Það fer því ekki á milli mála að fræðsluráð tekur hlutverki sínu alvarlega og hefur einlægan vilja til að tryggja börnum og foreldrum þeirra fyrirmynda þjónustu á hagstæðu verði.   

 

Með vinsemd

Jón Pétursson

Framkvæmdastjóri fjölskyldu og fræðslusviðs

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.