Uppfærð frétt

Röst tók niðri við Landeyjahöfn

25.September'17 | 16:29
rost_250917

Beðið eftir kafaranum. Ljósmynd/TMS.

Farþegaferjan Röst sem nú leysir af Herjólf tók niðri við Landeyjahöfn í dag. Um leið og skipið kom til Vestmannaeyja var kallaður til kafari til að kanna hvort tjón hafi orðið. Hann er að störfum þegar þessi frétt er skrifuð. Ferjan ristir 3,6 metra sem er 60 cm minna en Herjólfur.

Gunnlaugur Grettisson, forstöðumaður ferjusiglinga hjá Eimskip  segir í samtali við Eyjar.net að ferjan hafi verið á útleið frá Landeyjahöfn þegar óhappið varð. Líklegt má telja að Röst þurfi að sæta sjávarföllum í áætlun sinni næstu daga sökum grynninga við höfnina. 

Í tilkynningu frá Sæferðum segir að ferðin frá Vestmannaeyjum kl. 16:00 og frá Landeyjahöfn kl. 17:10 falli niður vegan veðurs og sjólags. Vinsamlegast hafið samband við afgreiðslu til að fá endurgreitt eða færa ykkur í aðrar lausar ferðir, sími 481-2800.

Athugun klukkan 17:00 varðandi ferð frá Vestmannaeyjum 18:45 og Landeyjahöfn 19:45 og verður tilkynning send út í kjölfarið.

Uppfært kl. 17.18

Kafarinn er búinn að skoða skipið. Ljóst er að annað stýrið hefur tekið niðri auk kjölsins. Ekki virðist þó um alvarlegt tjón að ræða.

Ferð frá Vestmannaeyjum 18:45 og frá Landeyjahöfn 19:45 fellur niður og er ósennilegt að skipið sigli meira í dag. 

 

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is