Herjólfur enn án lagfæringar:

Varahlutirnir töfðust og Norðmenn synjuðu undanþágu

22.September'17 | 10:47

Vegagerðin staðfesti í morgun við Eyjar.net að rétt sé að verið sé að setja aftur saman gírinn við aðra aðalvél Herjólfs án lagfæringar. Eyjar.net ræddi stöðuna sem upp er komin við Gunnlaug Grettisson, rekstarstjóra Herjólfs. 

,,Auðvitað erum við með bakið upp við vegg og staðan ferleg. Varahlutirnir frá Danmörku töfðust í framleiðslu vegna bilunar í verksmiðju og hafsvæðið milli Vestmannaeyja og Landeyjahafnar breytist í B nú um mánaðarmótin. Röst hefur þá ekki hafnfæri til að sigla til Landeyjahafnar og svo ekkert til Þorlákshafnar."

Synjun á undanþágu

Gunnlaugur segir að Vegagerðin sem leigði skipið frá Noregi hafi reynt hafi verið að fá undanþágu fram í október mánuð á Röst. Það hafi hins vegar komið synjun á það frá norskum samgönguyfirvöldum. Þá hafi í raun ekki verið annað í stöðunni en að setja aftur saman það sem búið var að rífa í Herjólfi og sigla honum heim.

En hver er staðan á gírnum?

Að sögn dönsku sérfræðinganna hefur hún ekki versnað frá slipptökunni í vor sem er jákvætt. En vegna bilunarinnar verður ekki hægt að keyra skipið á fullu afli og hefur það því áhrif á það afl sem hægt er að nota við siglingar skipsins. Það gætu mögulega orðið meiri frátafir í Landeyjahöfn og þá meiri siglingar til Þorlákshafnar vegna þessa, segir Gunnlaugur.

Hvenær má þá eiga von á að Herjólfur fari til viðgerðar aftur?

Vegagerðinni er nú aftur farin af stað að leita af hentugri ferju sem hefur heimild til að sigla á hafsvæði B. Það mál verður að skýrast á næstu dögum. Tímasetning á viðgerð á Herjólfi er algjörlega háð því hvort afleysingaferja fæst og þá hvenær það verður en það má alls ekki dragast mikið. 

Er verið að skoða einhverja ákveðna ferju?

Vegagerðin er með einhverja ferju í sigtinu, en eins og áður segir skýrist það vonandi fljótlega hvort hún fæst, segir Gunnlaugur Grettisson.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.