Uppfærð frétt

Herjólfi seinkar úr viðgerð

Varahlutir í skipið ekki komnir að utan

21.September'17 | 11:34
herj_inns

Ljóst er að einhver bið verður á að við sjáum Herjólf sigla milli lands og Eyja. Ljósmynd/TMS.

Samkvæmt heimildum Eyjar.net mun viðgerð Herjólfs tefjast sökum þess að varahlutir í gír skipsins eru ekki komnir til landsins. Munu þeir verða væntanlegir eftir tæpa viku frá Þýskalandi. Það er því ljóst að Röst verður hér í afleysingum eitthvað fram í október-mánuð. 

Röst hefur hins vegar einungis leyfi til siglinga á hafsvæði C og siglingaleiðin milli Eyja og Landeyja er einungis með undanþágu sem C hafsvæði til 30. september.

Í samtali við Eyjar.net sagði G. Pétur Matthíasson forstöðumaður samskiptadeildar Vegagerðarinnar þann 13. september að ef ekki tækist að ljúka viðgerð muni verða leitað til Samgöngustofu og norsku Siglingastofnunarinnar og óskað eftir undanþágu fyrir Röst um þá viðbótardaga í siglingum til Landeyjahafnar sem þörf verður fyrir.

 

Uppfært kl. 13.16

G. Pétur Matthíasson forstöðumaður samskiptadeildar Vegagerðarinnar staðfestir frétt Eyjar.net. Hann segir rétt að tafir séu á að fá varahlut í Herjólf en unnið sé að því að fá heimild fyrir áframhaldandi siglingum Rastar í Landeyjahöfn í byrjun október.

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.