Karlakórinn í sjónvarpinu á sunnudagskvöld

20.September'17 | 14:54
karlakor_eldh

Karlakór Vestmannaeyja. Ljósmynd/Gunnar Ingi.

Karlakór Vestmannaeyja, undir dyggri stjórn Þórhalls Barðasonar kemur fram í þættinum Kórar Íslands sem sýndur verður á Stöð 2 kl. 19:10 nk. sunnudagskvöld. Kórinn mun standa undir nafni og flytja Eyjaperluna og Stuðmannalagið Út í Eyjum í útsetningu Braga Þórs Valssonar. 

Karlakórinn mætir þremur öðrum kórum í þættinum, Kalmanskórnum, Gospelkór Jóns Vídalíns og Bartónum, Karlakór Kaffibarsins. Dómnefnd ásamt símakostningu sem áhorfendur taka þátt í, skera svo úr um það hver þessara kóra fer áfram í næstu umferð sem fer fram um mánaðarmótin október nóvember.

Vestmannaeyingar nær og fær sem og aðrir fjölmargir aðdáendur kórsins geta því stutt vel við bakið á kórnum með því að hringja inn á sunnudagskvöldið og þannig gefa kórnum atkvæði.

Mikil spenna er fyrir verkefninu meðal kórmeðlima en Saga Film sem framleiðir þættina sendi út flokk til Eyja á sunnudaginn var í þeim tilgangi að kynnast hópnum, mynda hann og taka viðtöl við söngstjórann Þórhall, formannin Geir Jón sem og óbreytta kórmeðlimi.

Óhætt er að segja að verkefnið hafi kveikt hjá mönnum áhuga en töluvert hefur bæst í hópinn. Um leið er vert að benda á að æfingar kórsins eru á sunnudögum frá kl. 16:00 til 18:00 í sal Tónlistarskóla Vestmannaeyja og eru allir karlar velkomnir að koma og prófa. Orðið á götunni segir að margan söngfuglinn kýtli að taka þátt en láti ekki verða af því. Nú er tækifærið.

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is