Stefnt að því að ljúka viðgerðum á Herjólfi fyrir mánaðarmót

- brottför Rastar frá Noregi tefst og er nú gert ráð fyrir að áætlanasiglingar hennar frá Vestmannaeyjum hefjist að morgni mánudagsins 18. sept

13.September'17 | 16:30
afleysingarferja_f_herjolf_2017_2

Norska ferjan Röst.

Í byrjun næstu viku er gert ráð fyrir að Herjólfur sigli í Hafnarfjörð til viðgerðar. Líkt og Eyjar.net hefur greint frá kemur hingað ferja frá Noregi til að leysa Herjólf af. Eyjar.net sendi í morgun spurningar sem brunnið hafa á Eyjamönnum vegna þessa máls á Vegagerðina og Samgöngustofu.

Nú er hafsvæðið milli Vestmannaeyja og Landeyjahafnar einungis skilgreint C-hafsvæði til 30. september, en ljóst að afleysingaskipið kemur til með að sinna sínu verki fram yfir þann tíma. Eru uppi áætlanir um að framlengja hafsvæðis-skilgreininguna?

Stefnt er að því að ljúka viðgerðum á Herjólfi fyrir 30. sept. Ef það tekst ekki mun verða leitað til Samgöngustofu og norsku Siglingastofnunarinnar og óskað eftir undanþágu fyrir Röst um þá viðbótardaga í siglingum til Landeyjahafnar sem þörf verður fyrir.

Nú er búið að óska eftir að sumaráætlun ferjunnar sem á að detta út á föstudaginn, verði framlengd fram yfir veru Röst, er búið að ákveða eitthvað í þeim efnum?

Meðan á viðgerðinni stendur verður ferðum fjölgað miðað við fyrirhugaða vetraráætlun Herjólfs. Ferðafjöldi verður ákveðinn fljótlega í samráði við rekstraraðila ferjunnar.

Er það staðfest að norska ferjan hefji áætlun þann 17. september líkt og búið var að tilkynna?

Vegna uppsetningar á fjarskiptabúnaði í Röst að kröfu norsku Siglingastofnunarinnar þá tefst brottför Rastar frá Noregi og er nú gert ráð fyrir að áætlanasiglingar hennar frá Vestmannaeyjum hefjist að morgni mánudagsins 18. sept.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.