Hugmynd til samgönguyfirvalda og Sæferða:

Væri ekki eðlilegt að sumaráætlun verði framlengd á meðan Herjólfur er í viðgerð?

- Eyjar.net hefur fengið ábendingar frá bæjarbúum varðandi framlengingu á sumaráætlun

12.September'17 | 08:32

Norska ferjan Röst á að leysa Herjólf af nk. sunnudag. Ljósmynd/TMS.

Á föstudaginn næstkomandi á að taka í gildi vetraráætlun Herjólfs með tilheyrandi fækkun ferða. Einungis 2 dögum síðar er áætlað að norska ferjan Röst hefji siglingar á milli Landeyjahafnar og Vestmannaeyja.

Röst er með mun minni flutningsgetu og getur einungis flutt 235 farþega á móti 390 farþegum Herjólfs og 42 bíla á móti 50 bifreiðum sem komast um borð í Herjólf.

Því er sett fram sú hugmynd hvort ekki væri eðlilegt að sumaráætlun verði framlengd á meðan Herjólfur er í viðgerð?

Hér með er því skorað á samgönguyfirvöld og Sæferðir að skoða þessa hugmynd af fullri alvöru.

VETRARÁÆTLUN GILDIR TIL 14. MAÍ:

Vestmannaeyjar brottför:	Landeyjahöfn brottför:
08:30 - Alla daga	09:45 - Alla daga
11:00 - Alla daga	12:45 - Alla daga
16:00 - Föstudaga og sunnudaga	17:10 - Föstudaga og sunnudaga
18:45 - Alla daga	19:45 - Alla daga
21:00 - Mánud, fimmtud, föstud, laugard, sunnudaga	22:00 - Mánud, fimmtud, föstud, laugard, sunnudaga