Afleysingaskip fyrir Herjólf rætt í bæjarráði:

Mótmæla því að bjóða eigi upp á mjög svo skert samgönguöryggi

- þess er krafist að ferðum verði fjölgað umfram það sem annars væri og því eðlilegt að sumaráætlun verði látin gilda a.m.k. þar til Herjólfur kemur úr viðgerð

12.September'17 | 13:54

Bæjarráð mótmælir því að bjóða eigi upp á mjög svo skert samgönguöryggi þegar Herjólfur fer til viðgerða nú síðar í mánuðinum en fyrir liggur að afleysingaskipið „Röst“ hefur ekki fullt haffæri til siglinga á hafsvæðinu í kringum Vestmannaeyjar. 

Bæjarráð felur bæjarstjóra að kalla eftir upplýsingum frá Vegagerðinni um það hvernig standa skal að flutningum á fólki, vörum og öðrum aðföngum ef til þess kemur að ölduhæð verði þannig að ekki verði hægt að sigla í Landeyjahöfn þennan tíma. Þetta kemur fram í bókun ráðsins frá í dag. 

Lásu um það í fjölmiðlum að afleysingarskipið hafi ekki haffæri til siglinga í Þorlákshöfn

Bæjarráð telur að mál sem þessi sýni enn og aftur hversu mikilvægt það sé að heimamenn komist úr því að vera áhorfendur að ákvörðunum um samgöngur og taki þess í staða fulla ábyrgð á rekstri þeirra og fái þannig beinan aðgang að þessu stærsta hagsmunamáli samfélagsins í Eyjum. 

Til marks um stöðu Vestmannaeyjabæjar þegar að samgöngum kemur þá þurfa fulltrúar Vestmannaeyjabæjar að lesa um það í fjölmiðlum að afleysingarskipið hafi ekki haffæri til siglinga í Þorlákshöfn. 

Eðlilegt að sumaráætlun verði látin gilda a.m.k. þar til Herjólfur kemur úr viðgerð

Bæjarráð bendir einnig á að afleysingaskipið hefur minni flutningsgetu bæði hvað varðar bíla og farþega og því er þess krafist að ferðum verði fjölgað umfram það sem annars væri og því eðlilegt að sumaráætlun verði látin gilda a.m.k. þar til Herjólfur kemur úr viðgerð. 

Að lokum ítrekar bæjarráð mikilvægi þess að þingmenn kjördæmisins láti til sín taka hvað ofangreint varðar, segir í bókun bæjarráðs.

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla. 

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104