Afleysingaskip fyrir Herjólf

Röst hefur ekki heimild til siglinga í Þorlákshöfn

11.September'17 | 16:29
afleysingarferja_f_herjolf_2017_2

Afleysingarskip Herjólfs hefur ekki leyfi til siglinga til Þorlákshafnar.

Vegagerðin skrifaði undir leigusamning við ferju fyrirtækið Torghatten Nord AS í Norður-Noregi, föstudaginn 8. september, um leigu á ferjunni Röst til að leysa af siglingar Herjólfs í Landeyjahöfn meðan Herjólfur er í slipp. 

Röst hefur leyfi til siglinga á siglingaleið C en ekki á siglingaleið B. Því kemur ekki til þess að Röst hafi heimild til siglinga í Þorlákshöfn. Þess vegna er lögð áhersla á að stytta tímann sem Herjólfur verður í slipp svo sem kostur er. 

Ekki reynir á siglingar til Þorlákshafnar nema eitthvað óvænt komi upp á veðurfarslega séð. Dýpi er þokkalegt og Röst ristir auk þess heldur minna en Herjólfur. Því má reikna með að siglingar í Landeyjahöfn gangi greiðlega þennan tíma.

Helstu stærðir skipsins eru í samanburði við Herjólf:

 

Röst 

Herjólfur 

 Lengd  66,2 m   70,7 m
 Breidd  13,4 m  16 m
 Smíðaár  1991  1992
 Vélarorka  2 x 2500 hp 2 x 3672 hp 
 Farþegar/bílar  235/42  391/50
 

Skipið er með tveimur vélum, bógskrúfu og andvelti uggum.  

Eina skipið sem hægt var að fá á þessum tíma

Í upphafi samninga um skipið, var skipið með öryggisskírteini til siglinga á hafsvæði B. Síðar kom í ljós að um mistök höfðu átt sér stað, þ.e.a.s. að gefa út þetta skírteini  þar sem skipið fullnægði ekki reglugerð sem kom til framkvæmda 2015. Norska siglingarmálastofnunin dró þá til baka umrætt skírteini og hefur skipið nú haffæri til siglinga á C svæði.

Þetta skip reyndist eina skipið sem hægt var að fá á þessum tíma og var því gengið frá samningum. Vonir standa til að skipið geti lagt af stað frá Noregi um miðja vikuna, en verið er að koma fyrir fjarskiptabúnaði til siglingar til Íslands.

Í framhaldi af þessu er unnið að því að stytta viðgerðatíma Herjólfs eins og hægt er og stefnt að því að ljúka þeirri viðgerð fyrir næstu mánaðarmót, segir í tilkynningu frá Vegagerðinni.

Sjá einnig: Bæjarráð harmar rofið samkomulag um afleysingaskip fyrir Herjólf

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum S: 481-1313 / Gsm: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla.