Afleysingarskip fyrir Herjólf:

Norsk ferja sem tekur 235 farþega í sigtinu

5.September'17 | 18:53
afleysingarferja_f_herjolf_2017_2

Norska ferjan Röst.

Elliði Vignisson bæjarstjóri greinir frá því á heimasíðu sinni í dag að Vegagerðin sé í viðræðum um að leigja norsku ferjuna Röst til afleysinga fyrir Herjólf sem þarfnast viðgerðar á gír.

„Eftir nokkra leit að heppilegu skipi lítur nú loks út fyrir hægt verði að leigja skip frá norður Noregi til verksins. Vegagerðin hefur upplýst að stefnt sé að því að skipið komi inn í viku 38 (18. –24. september) og að þjónusta verði í sama formi og nú er og hún ekki skert umfram það sem óhjákvæmilega fylgir því þegar aðalskip verður fyrir bilun eða frátöfum að öðrum orsökum.” segir bæjarstjóri í grein sinni.

Heldur minna en Herjólfur

Ferjan sem um ræðir er með tvær skrúfur, andveltibúnað (ugga), ef sigla þarf í Þorlákshöfn.  Farþegageta er minni en í Herjólfi eða 235 manns og bílainntak 40 til 50.  Vestmannaeyjabær hefur því í samræmi við samþykktir sínar óskað eftir því að sigldar verði fleiri ferðir en annars væri og er Vegagerðin að fara yfir þau mál.  Skipið er einu ári eldra en Herjólfur og aðeins styttra (tæplega 4 metrum), heldur mjórra og djúprista töluvert minni, sem er jákvætt gagnvart Landeyjahöfn, segir Elliði ennfremur og bætir við að þótt sannarlega séu góðar líkur á að umrætt skip fáist þá er enn ekki búið að undirrita samninga. Það sem út af stendur tengist skráningu skipsins og flutningi þess á milli hafsvæða frá Noregi til Íslands.  

 

Nánari upplýsingar

Hér eru helstu upplýsingar um umrædda ferju:

Brúttó tonn: 2052
Lengd x breidd: 66.2m × 13.4m
Byggingaár: 1991

Djúprista 3.6m

Skráður hraði (Mesti / Meðal) 13.5 / 12.6 hnútar

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).