Herjólfur:

Aldrei fleiri ferðir felldar niður í júlí

28.Ágúst'17 | 06:59

Rúmlega 72 þúsund farþegar fóru með Herjólfi í síðasta mánuði. Ljósmynd/TMS.

„Aldrei fleiri ferðir sigldar og því miður því til viðbótar aldrei fleiri ferðir felldar niður.” segir Gunnlaugur Grettisson forstöðumaður ferjusiglinga hjá Eimskip er Eyjar.net innti hann eftir samanburði á flutningstölum ferjunnar fyrir júlí-mánuð.

Hér má sjá hvernig samanburður síðustu þriggja júlí-mánaða lítur út:

Herjólfur

Júlí mánuður	2015	2016	2017
Farþegar	73.878	79.102	72.027
Bílar	12.473	12.956	12.482
Sigldar ferðir LAN	165	168	172
Sigldar ferðir TOR	0	0	1
Ferðir felldar niður	0	1	11
Dagar ekkert siglt	0	0	0

Allir farþegar á leið á eða frá Þjóðhátíð eru í ágúst í ár

„Þrátt fyrir allar þessar ferðir og þá mikilvægt að muna að í júlí í fyrra voru ferðir til Eyja vegna Þjóðhátíðar þar inni eru færri farþegar en það skýrist fyrst og fremst að þeirri staðreynd að allir farþegar á leið á eða frá Þjóðhátíð eru í ágúst í ár.” segir Gunnlaugur.

Þegar svo margar ferðir eru í áætlun er sveigjanleikinn nánast enginn

„Það kann að hljóma illa í einhver eyru en staðreyndin er sú að þegar svo margar ferðir eru í áætlun er sveigjanleikinn nánast enginn. Viðbótarferðir umfram þessar sex sem nú hafa verið í áætlun miðað við núverandi áætlun eru mjög erfiðar því þó ég geti verið því sammála að „skipið eigi að sigla“.

Mjög erfiður kafli vegna dýpisvandræða og svo þessi skelfilegi dagur þann 26. júlí þar sem bæði skortur á dýpi og svo óvænt 3ja metra ölduhæð gerði okkur og enn frekar farþegum okkar lífið leitt svo notað sé pent orð.

Fyrstu átta mánuðirnir verði „aðeins“ nærri pari

Ágústmánuður verður góður samanborið við fyrri ágústmánuði en samt líklegt að fyrstu átta mánuðirnir verði „aðeins“ nærri pari við árið 2016, fyrst og fremst vegna sjólags í maí og aftur í júlí þar sem samtals voru felldar niður 22 ferðir þessa tvo mánuði á móti aðeins 3 í fyrra.“ segir Gunnlaugur Grettisson.

Samanburður júní-mánaðar.