Þjálfari 2. flokks ÍBV

Fékk sex leikja bann fyrir að leggja hendur á leikmann Vals

24.Ágúst'17 | 11:56
vellir

Umræddur leikur fór fram í Eyjum. Ljósmynd/TMS.

Michael Edward White, þjálfari 2. flokks ÍBV, var dæmdur í sex leikja bann af aganefnd KSÍ eftir að hafa lagt hendur á leikmann Vals í viðureign liðanna í 2. flokki þann 18. ágúst síðastliðinn. 

Leikurinn fór fram í Vestmannaeyjum en ÍBV fékk 15 þúsund króna sekt vegna atviksins. Samkvæmt heimildarmanni Fótbolta.net sauð upp úr milli tveggja leikmanna úr sitthvoru liðinu. White mætti á vettvang og eftir einhver orðaskipti lagði hann hendur á háls leikmanns Vals og sló hann svo. 

„Hann hefur viðurkennt að hann hafi gert mistök og gerði það við alla aðila strax eftir leik. Þetta er eitthvað sem á ekki að gerast. Hann veit það best sjálfur, menn gera mistök. Hann hefur beðið afsökunar og tekur út sína refsingu," segir Páll Hjarðar, formaður ÍBV. 

Páll getur ekki sagt til um hvort frekari eftirmálar verði af atvikinu. Fótbolti.net hefur ekki upplýsingar um hvort Valur eða foreldrar leikmannsins ætli að bregðast frekar við en einhver óánægja er meðal Valsmanna um að leikbannið hafi ekki verið lengra. 

Í umræddum leik, sem Valur vann 1-0, spiluðu strákar fæddir 1998-2003. 

 

Fótbolti.net greindi frá.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.