Góður gangur í grálúðuveiðum

22.Ágúst'17 | 13:38
Vinnslo

Ljósmynd/TMS.

Kap II Ve hefur frá því í júlíbyrjun veitt yfir 300 tonn af grálúðu í net djúpt úti fyrir Austfjörðum. Langt er síðan Vinnslustöðin hefur stundað netaveiðar og landvinnslu á grálúðu.

Nokkurn tíma tók að gera skipið klárt til veiða en síðan hafa þær gengið betur en gert var ráð fyrir. Kap landaði fyrst 5. júlí á Eskifirði og eftir það tvisvar í viku þar að jafnaði, rúmlega 20 tonnum í hvert sinn.

Svo vel fiskaðist í upphafi að ákveðið var að fækka netum til að viðhalda gæðum aflans. Byrjað var með 10 trossur en þeim svo fækkað í 6, í hverri trossu eru 70 net. Heimasíða Vinnslustöðvarinnar greinir frá.

„Við vorum í glymrandi veiði í sumar, langt framar vonum. Þegar mest var fengum við fisk í 84 kör úr 75 netum, alls um 28 tonn. Heldur hefur dregið úr veiðinni en okkur gengur vel,“ segir Kristgeir Arnar Ólafsson, skipstjóri á KAP II í símtali þar sem hann er staddur í eindæma veðurblíðu á miðunum fyrir austan land. 

„Fæstir í áhöfninni þekktu grálúðu sem matfisk fyrr en nú og okkur kemur á óvart hve svakalega góð hún er. Við borðum grálúðu í annað hvert mál!“

Seld til Frakklands og Asíu

Grálúðan er seld fersk og heil til Frakklands beint frá Eskifirði eða í  gegnum Reykjavík. 

Hluti aflans er fluttur til Vestmannaeyja og unninn í frystar afurðir í Vinnslustöðinni, aðallega fyrir Asíumarkað.

„Grálúðan er fín og verðmæt vara. Þessi árstími er reyndar ekki sá besti til að selja hana en gengur samt vel. Góður markaður er fyrir bæði ferska og frysta grálúðu og við njótum þess auðvitað að hafa byggt upp eigin sölustarfsemi erlendis,“ segir Sverrir Haraldsson, sviðsstjóri bolfiskssviðs hjá VSV.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).