Meistaradeildin:

Lentu á rauðu ljósi í hjólreiðakeppni

21.Ágúst'17 | 08:54
bru

Hún hefur verið erfið biðin fyrir keppendurna.

Furðuleg uppákoma varð í hjólreiðakeppninni Ladies Tour of Norway í Fredrikstad í Noregi í gær. Fjórar konur voru búnar að slíta sig frá hópnum og komnar með um hálfrar mínútu forskot á síðasta hringnum í miðborg Fredrikstad, en skyndilega misstu þær forystuna.

Skúta í forgangi

Leið yfir brú sem þær áttu að hjóla yfir var allt í einu lokað. Brúin var hífð upp til að hleypa skútu áfram um ána sem brúin liggur yfir. Á vef hjólreiðakeppninnar segir að röð óhappa hafi orðið til þess að brúin opnaðist. Hún er sjálfstýrð og hringja bátar í ákveðið símanúmer til þess að opna hana. Vegna keppninnar átti brúin hins vegar að vera niðri til klukkan sex í gær.

Kom af fjöllum

Vegna hvassviðris fóru hjólreiðakapparnir hægar yfir en búist var við og komu fremstu fjórir keppendurnir að henni um 15 sekúndum eftir að klukkan sló sex. Þá komu þeir að rauðu ljósi við brúnna og þurftu að gjöra svo vel að bíða.

Nýr starfsmaður skrifstofunnar í Ósló, þaðan sem brúnni er stýrt, hafði engar upplýsingar fengið um keppnina og leit ekkert á myndavélar sem fylgjast með umferð um brúnna.

 

Ruv.is greindi frá.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.