Holan komin vel niður fyrir heitasta hluta Surtseyjar

- stóð í 151 metrum í gærmorgun

17.Ágúst'17 | 06:59
surtsey_cr

Surtsey. Mynd/úr safni.

Í gær gekk borun erfiðlega eftir nokkuð góðan gang nóttina þar á undan. Holan stóð í 151 metrum í gærmorgun en síðan stóð borinn fastur mestallan daginn. Síðustu fréttir kl. 22 voru þó þær að hann væri laus og allt tilbúið til að halda áfram borun.

Þetta kemur fram á Facebook-síðu Jarðvísindastofnunar Háskólans. Þar segir ennfremur að Sveinn Jakobsson jarðfræðingur á Náttúrufræðistofnun rannsakaði Surtsey frá því í gosinu 1963-67 og allt til æviloka. Sveinn lést á síðasta ári. Honum entist því ekki aldur til að taka þátt í boruninni nú, en hann studdi við undirbúning hennar. Auk þess að gera grundvallarmælingar á myndun og útbreiðslu móbergs í Surtsey stóð Sveinn m.a. að mælingum á hita í borholunni frá 1979 alla tíð og má sjá hluta þeirra mælinga á meðfylgjandi línuriti.

Holan er nú komin vel niður fyrir heitasta hluta Surtseyjar (120-125°C). Hitinn á 150 metrum er nú nálægt 75°C og þar fyrir neðan kólnar stöðugt. Miðað við kjarnann sem náðist fyrir 38 árum var gjóskan sem myndaðist í gosinu grófari neðan 140 metra dýpis, móbergsmyndun mun skemmra á veg komin og bergið lausara í sér en efnið sem ofar liggur. Illa samlímt berg er mun erfiðara í borun en það sem þéttara er. Dæling skolvatns til holunnar er nú í lagi og veldur ekki töfum. Við bíðum nú og sjáum til hvernig næturvaktinni gengur að komast niður í gegnum neðri lög Surtseyjar.

 

 

 

Tags

Surtsey

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%