Borholan í Surtsey orðin 93 metrar

Fyrsti kjarninn fluttur til Heimaeyjar

14.Ágúst'17 | 08:06
bor_surtsey_jardvisindast_hi

Myndin sýnir borinn í Surtsey. Mynd/Jarðvísindastofnun Háskólans.

Þrátt fyrir vandræði með að ná nægu skolvatni fyrir borinn hefur tekist að bora 30 metra á síðustu 36 tímum. Holan var 93 metra djúp á vaktaskiptunum kl. 20 í gærkvöld. 

Í gær urðu þau tímamót að fyrstu 80 metrarnir af kjarna voru fluttir með þyrlu Norðurflugs til Heimaeyjar. Þar hefjast mælingar á gerð hans og eiginleikum.

Í gær gerðist það einnig að Björgunarfélag Vestmannaeyja flutti 16 1100 lítra tanka úr plasti til Surtseyjar. Sjó verður dælt í tankana á flóði og þeir síðan nýttir sem vatnsforðabúr svo ekki verði tafir vegna vatnsskorts á fjörunni. Vonir eru bundnar við að með þessum og fleiri aðgerðum verði komist fyrir vandræðin með skolvatnið fyrir borinn.

Holan nær nú niður í heitasta hluta Surtseyjar, þar sem berghiti er um 120 gráður. Þarna hefur jarðhitinn valdið breytingum á móberginu og fyrstu vísbendingar eru þær að bergið hafi ummyndast mikið á þeim 38 árum sem liðin eru frá því borað var í eynni sumarið 1979. Frekari greiningar á kjarnanum munu skera úr um þetta, segir í færslu á facebook-síðu Jarðvísindastofnunar Háskóla Íslands.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.