Borgunarbikar karla:

Ná Eyjamenn bikarnum til Eyja?

11.Ágúst'17 | 09:45

Úrslitaleikur Borgunarbikars karla fer fram á morgun, laugardag. Þar mætast FH og ÍBV á Laugardalsvelli, en leikurinn hefst klukkan 16:00. Þetta er í níunda sinn sem liðin eigast við í bikarkeppninni.

FH hefur unnið fimm, en ÍBV þrjár. Árið 1983 þurftu liðin að mætast tvívegis, en fyrri leikur þeirra hafði þá endað með 2-2 jafntefli og því var leikinn annar leikur.

ÍBV hefur 11 sinnum komist í úrslitaleikinn og unnið hann fjórum sinnum. FH hefur komist fimm sinnum í úrslitaleikinn og unnið tvisvar.

Liðin hafa mæst einu sinni í úrslitaleik bikarsins, en það var árið 1972. Þá hafði ÍBV betur, 2-0, og var leikurinn spilaður á gamla Melavellinum í leiðinda haustveðri. Mörkin í leiknum skoraði Haraldur Júlíusson, oft kallaður Haraldur Gullskalli.

FH komst síðast í úrslit árið 2010 og sigraði þar KR 4-0. 

ÍBV komst síðast alla leið í fyrra en töpuðu 2-0 fyrir Val. 

Dómarar

Líkt og í undanúrslitunum verða sex dómarar á leiknum.

Dómari - Vilhjálmur Alvar Þórarinsson

Aðstoðardómarar - Jóhann Gunnar Guðmundsson og Oddur Helgi Guðmundsson

Fjórði dómari - Frosti Viðar Gunnarsson

Endalínudómarar - Þorvaldur Árnason og Gunnar Jarl Jónsson

Á leið sinni í úrslitin hefur ÍBV slegið út þessi lið: 

32 liða úrslit - 4-1 sigur á KH. 

16 liða úrslit - 5-0 sigur á Fjölni. 

8 liða úrslit - 2-1 sigur á Víking Reykjavík. 

Undanúrslit - 2-1 sigur á Stjörnunni. 

Á leið sinni í úrslitin hefur FH slegið út þessi lið: 

32 liða úrslit - 6-1 sigur á Sindra. 

16 liða úrslit - 2-1 sigur á Selfossi. 

8 liða úrslit - 1-0 sigur á Fylki. 

Undanúrslit - 1-0 sigur á Leikni Reykjavík. 

Miðasala er hafin á midi.is 

Miðaverð:

Fullorðnir - 2000 krónur.

11-16 ára - 500 krónur.

10 ára og yngri - frítt.

Fólk er hvatt til að kaupa miða á netinu til að forðast biðraðir í miðasölu á leikdag.

Stuðningsmenn ÍBV hittast á Kaffi Flóru í grasagarðinum í Laugardal klukkan 13:00 - 15:30. Þar mun Ingó veðurguð halda uppi stemningu ásamt öðru.

Leikurinn er í beinni á Stöð 2 sport og hefst útsending hálftíma fyrir leik.

lau. 12. ágú. 17 16:00 ÍBV - FH Laugardalsvöllur   Dómarar

 

 

Heimild: ksi.is

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum S: 481-1313 / Gsm: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

Lumar þú á grein?

27.Júní'17

Endilega sendu okkur hana á eyjar@eyjar.net. Eyjar.net - fyrir alla.